Det 24. partiet
Det er til å gråta av; det er så vakkert. All tankekrafta på denne scena dei siste månadene endar i eit handtrykk som varslar ei ny tid for Sovjetunionen. Eg kontakta den kjende fotografen for å få nytta biletet. «Det er gratis for sjakkens skuld», var svaret.
Foto: Boris Dolmatovskij
Internett tek oss attende til fortida. Det dukkar stadig opp arkivmateriale som syner at historia var slik vi trudde, eller kan henda endå betre. Youtube-kanalen «Sovjetisk TV» er ei gullgruve. Det vert tydelegare for meg enn nokon gong at kampen mellom det gamle regimet, Anatolij Karpov (f. 1951), og den nye vinen, Garri Kasparov (f. 1963), er den største. 144 VM-parti gjennom dagar, veker, månader – over fem VM-kampar frå 1984 til 1990 – er ei intellektuell, emosjonell og fysisk påkjenning som får dei gamle TV-bileta til å dirra av intensitet.
Eg har nett sett det 24. og avgjerande partiet frå 9. november 1985, «partiet i mitt liv», som Kasparov kallar det. Den fyrste maratonkampen vart avbroten tidlegare på året etter 48 parti utan ein vinnar. Reglane for den andre VM-kampen vart endra til maksimalt 24 parti, og den regjerande meisteren Karpov ville framleis bera tittelen ved uavgjort 12–12. Etter 23 parti var den unge rebellen frå Baku i leiinga 12–11, men Karpov hadde kvit i det 24. partiet.
Den gongen for 35 år sidan sat eg i sjakklubben i Oslo, der vi fekk trekka via telefon og telefaks. TV-bileta syner no at speleplassen i Moskva sentrum var så stor og imponerande som vi trudde. Dei mange tusen som ikkje fekk billett til Kolonnyj zal flokka seg utanfor butikkar med TV-apparat som synte trekka. Spaninga vart meir intens i fråværet av datamaskiner: Ingen hadde fasiten, men dei to beste hovuda i verda sat på scena og jakta på sanninga. Sovjetiske stormeistrar analyserte febrilsk i presserommet, men berre spelarane skjøna djupna i stillinga.
For sjakkfotografen Boris Dolmatovskij gjaldt det å fanga augneblinken der tronskiftet ville skje. Han klatra opp på ein balkong over scena, men vart oppdaga og jaga vekk av KGB. Han sneik seg på ny opp og venta i skjul i ei særs ukomfortabel stilling. Men så, etter fem timar, kom endeleg handa fram frå Karpov. Kasparov vann 13–11 og vart ny meister.
Atle Grønn
Atle Grønn er internasjonal meister i sjakk.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Internett tek oss attende til fortida. Det dukkar stadig opp arkivmateriale som syner at historia var slik vi trudde, eller kan henda endå betre. Youtube-kanalen «Sovjetisk TV» er ei gullgruve. Det vert tydelegare for meg enn nokon gong at kampen mellom det gamle regimet, Anatolij Karpov (f. 1951), og den nye vinen, Garri Kasparov (f. 1963), er den største. 144 VM-parti gjennom dagar, veker, månader – over fem VM-kampar frå 1984 til 1990 – er ei intellektuell, emosjonell og fysisk påkjenning som får dei gamle TV-bileta til å dirra av intensitet.
Eg har nett sett det 24. og avgjerande partiet frå 9. november 1985, «partiet i mitt liv», som Kasparov kallar det. Den fyrste maratonkampen vart avbroten tidlegare på året etter 48 parti utan ein vinnar. Reglane for den andre VM-kampen vart endra til maksimalt 24 parti, og den regjerande meisteren Karpov ville framleis bera tittelen ved uavgjort 12–12. Etter 23 parti var den unge rebellen frå Baku i leiinga 12–11, men Karpov hadde kvit i det 24. partiet.
Den gongen for 35 år sidan sat eg i sjakklubben i Oslo, der vi fekk trekka via telefon og telefaks. TV-bileta syner no at speleplassen i Moskva sentrum var så stor og imponerande som vi trudde. Dei mange tusen som ikkje fekk billett til Kolonnyj zal flokka seg utanfor butikkar med TV-apparat som synte trekka. Spaninga vart meir intens i fråværet av datamaskiner: Ingen hadde fasiten, men dei to beste hovuda i verda sat på scena og jakta på sanninga. Sovjetiske stormeistrar analyserte febrilsk i presserommet, men berre spelarane skjøna djupna i stillinga.
For sjakkfotografen Boris Dolmatovskij gjaldt det å fanga augneblinken der tronskiftet ville skje. Han klatra opp på ein balkong over scena, men vart oppdaga og jaga vekk av KGB. Han sneik seg på ny opp og venta i skjul i ei særs ukomfortabel stilling. Men så, etter fem timar, kom endeleg handa fram frå Karpov. Kasparov vann 13–11 og vart ny meister.
Atle Grønn
Atle Grønn er internasjonal meister i sjakk.
Fleire artiklar
Teikning: May Linn Clement
Historieforvanskingar
Eskil Skjeldal har skrive fleire bøker, både sakprosa og romanar.
Foto: Vegard Giskehaug
Der mørkeret bur
Eskil Skjeldal er ikkje redd for å gå dit det gjer mest vondt.
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.