Dei beste småkongane
Gamle Kortsjnoj vinn mot ein ung Caruana i 2011.
Kongerekkja i sjakkhistoria tel berre 16 verdsmeistrar på 133 år, dei 16 store frå Wilhelm Steinitz i 1886 til Magnus Carlsen. Her har eg rangert dei nest beste før Carlsen-epoken.
Polsk-russiske Akiba Rubinstein (nr. 6) var best i verda rundt 1910, eit sluttspelgeni utan nervar til konkurransesjakk. Han ottast menneskeleg kontakt og sat på ein stol i hjørnet av lokalet når motstandaren var i trekket. Dei siste 30 åra levde han isolert på eit psykiatrisk sjukehus i Belgia.
Ukrainske David Bronstein (nr. 5) var ein irrasjonell tryllekunstnar på brettet. Han kunne tenkja på det fyrste trekket i 40 minuttar. («Stillinga er komplisert, må de skjøna!») Han var nære på å vinna VM-kampen mot Mikhail Botvinnik i 1951 (12–12), men sa sjølv at han ikkje ønskte tittelen.
Veselin Topalov (nr. 4), fødd i 1975, er heime i Bulgaria rekna som verdsmeister. Han var nummer éin i verda før Kramnik og Anand; han var den siste som slo Kasparov, og han har vunne fleire parti mot Carlsen. Men bulgararen er kontroversiell og har ein manager som er persona non grata i internasjonal sjakk.
Amerikanaren Paul Morphy (nr. 3) var det fyrste store sjakkgeniet på midten av 1800-talet, før verdsmeistertittelen kom i 1886. Han er den einaste «eigenlege verdsmeisteren» ifølgje Bronstein, som meinte at den moderne sporten «med pengar og titlar» hadde øydelagt den romantiske kunstsjakken til Morphy.
Den estiske folkehelten Paul Keres (nr. 2) kan ha vore best i verda rett etter den andre verdskrigen, men han var ikkje favoritten til den sovjetiske sportskomiteen og fekk aldri sjansen til å spela ein VM-kamp. «Estland var uheldig; det var eg òg», sa mannen som historia gav eit nytt heimland, Sovjetunionen.
Den sveitsisk-russiske avhopparen Viktor Kortsjnoj (nr. 1) ofra alt for sjakken; han var den mest fanatiske spelaren verda har sett. Kortsjnoj spela 77 VM-parti på liv og død mot den 20 år yngre Anatolij Karpov og var eit par trekk frå å verta udøyeleg. Han døydde i 2016, 85 år gamal.
Atle Grønn
Atle Grønn er internasjonal
meister i sjakk.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Kongerekkja i sjakkhistoria tel berre 16 verdsmeistrar på 133 år, dei 16 store frå Wilhelm Steinitz i 1886 til Magnus Carlsen. Her har eg rangert dei nest beste før Carlsen-epoken.
Polsk-russiske Akiba Rubinstein (nr. 6) var best i verda rundt 1910, eit sluttspelgeni utan nervar til konkurransesjakk. Han ottast menneskeleg kontakt og sat på ein stol i hjørnet av lokalet når motstandaren var i trekket. Dei siste 30 åra levde han isolert på eit psykiatrisk sjukehus i Belgia.
Ukrainske David Bronstein (nr. 5) var ein irrasjonell tryllekunstnar på brettet. Han kunne tenkja på det fyrste trekket i 40 minuttar. («Stillinga er komplisert, må de skjøna!») Han var nære på å vinna VM-kampen mot Mikhail Botvinnik i 1951 (12–12), men sa sjølv at han ikkje ønskte tittelen.
Veselin Topalov (nr. 4), fødd i 1975, er heime i Bulgaria rekna som verdsmeister. Han var nummer éin i verda før Kramnik og Anand; han var den siste som slo Kasparov, og han har vunne fleire parti mot Carlsen. Men bulgararen er kontroversiell og har ein manager som er persona non grata i internasjonal sjakk.
Amerikanaren Paul Morphy (nr. 3) var det fyrste store sjakkgeniet på midten av 1800-talet, før verdsmeistertittelen kom i 1886. Han er den einaste «eigenlege verdsmeisteren» ifølgje Bronstein, som meinte at den moderne sporten «med pengar og titlar» hadde øydelagt den romantiske kunstsjakken til Morphy.
Den estiske folkehelten Paul Keres (nr. 2) kan ha vore best i verda rett etter den andre verdskrigen, men han var ikkje favoritten til den sovjetiske sportskomiteen og fekk aldri sjansen til å spela ein VM-kamp. «Estland var uheldig; det var eg òg», sa mannen som historia gav eit nytt heimland, Sovjetunionen.
Den sveitsisk-russiske avhopparen Viktor Kortsjnoj (nr. 1) ofra alt for sjakken; han var den mest fanatiske spelaren verda har sett. Kortsjnoj spela 77 VM-parti på liv og død mot den 20 år yngre Anatolij Karpov og var eit par trekk frå å verta udøyeleg. Han døydde i 2016, 85 år gamal.
Atle Grønn
Atle Grønn er internasjonal
meister i sjakk.
Fleire artiklar
Skodespelarane Joseph Engel (Bastien) og Sara Montpetit (Chloé) i regidebuten til Charlotte Le Bon.
Foto: Cinemateket
Søte sommarskrømt
Falcon Lake er ein ven og var knalldebut frå Quebec.
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Utvalsleiar Line Eldring leverer NOU-rapporten om EØS-avtalen til utanriksminister Espen Barth Eide (Ap).
Foto: Terje Pedersen / NTB
Kva er alternativet til EØS-medlemskap?
Anna Kleiva er forfattar og omsetjar.
Foto: Privat
Anna Kleiva er ny diktskribent i Dag og Tid
«Eg ser fram til å arbeida meir med einskilde dikt frå ulike forfattarar.»