Buffeen
Karjakin og Radzjabov møter pressa etter «remisdauden».
Foto: Shamkirchess.com
Ti vaksne menn sit bøygde over sjakkbretta i Aliev-senteret i byen Sjamkir, der Magnus Carlsen er på jobb (sjå side 25). Aserbajdsjanaren Tejmur Radzjabov, som for 16 år sidan vann eit parti mot Kasparov, vert snøgt ferdig med partiet sitt og møter pressa.
«Du hadde kvit i dag. Kvifor spela du remis?» «Eg spela mot Carlsen, så eg sikra stillinga med remis». Like etter kjem den russiske superstjerna Sergej Karjakin ut til pressa. «Du hadde kvit. Kvifor spela du remis?» «Eg hadde uflaks. Motstandaren hadde førebudd opninga caro-kann, så eg sikra ein remis».
To rundar seinare er Karjakin den fyrste som kjem bort til pressa. «Du hadde kvit. Kvifor spela du remis?» «Eg spela mot Carlsen, så eg sikra ein remis». Like etter kjem Radzjabov: «Du hadde kvit. Kvifor spela du remis?» «Eg hadde uflaks. Motstandaren hadde førebudd ei siciliansk opning».
To rundar seinare kjem dei båe ut til pressa samstundes. «Kvifor spela de remis?» «Eg spela jo mot Karjakin, han er den beste russaren», seier Radzjabov. «Eg hadde jo svart», seier Karjakin. «Vi takkar spelarane», seier ordstyraren på pressekonferansen. Ljoden av ein liten øyrefik går gjennom rommet. Det viser seg å vera ein reservert applaus. Motstandarane går saman til buffeen i naborommet. «For eit slit», seier den eine. «Eg søv dårleg for tida», seier den andre.
Dei to sekundantane til spelarane sit på fyrste rad i spelelokalet og halvsøv etter alt analysearbeidet. Dei er på eit vis konkurrentar, men til vanleg gode stormeistervener alt frå sovjettida. Sekundanten til Radzjabov dultar borti sekundanten til Karjakin. «Partiet er visst over. La oss gå til buffeen.» «Kva trur du journalistane vil skriva no? Sergej har spela remis i alle partia.» «Tejmur òg».
Ved buffeen kjem ein journalist bort til bordet deira. «Kva seier de til alle remisane?» «Venskapen har sigra!», seier den eine sekundanten triumferande, og alle nikkar. Etter maten går dei to spelarane og sekundantane ein tur i den vakre parken utanfor senteret. Dei finn ein benk. Eit par gamle damer flyttar seg diskret og gjev plassen til sjakkspelarane.
Denne halvdokumentariske stubben er inspirert av forteljinga «Sigerherrane» (om to brytarar som ikkje vil bryta på matta) av den russiske kultforfattaren Sergej Dovlatov (1941–1990).
Atle Grønn
Atle Grønn er internasjonal
meister i sjakk.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Ti vaksne menn sit bøygde over sjakkbretta i Aliev-senteret i byen Sjamkir, der Magnus Carlsen er på jobb (sjå side 25). Aserbajdsjanaren Tejmur Radzjabov, som for 16 år sidan vann eit parti mot Kasparov, vert snøgt ferdig med partiet sitt og møter pressa.
«Du hadde kvit i dag. Kvifor spela du remis?» «Eg spela mot Carlsen, så eg sikra stillinga med remis». Like etter kjem den russiske superstjerna Sergej Karjakin ut til pressa. «Du hadde kvit. Kvifor spela du remis?» «Eg hadde uflaks. Motstandaren hadde førebudd opninga caro-kann, så eg sikra ein remis».
To rundar seinare er Karjakin den fyrste som kjem bort til pressa. «Du hadde kvit. Kvifor spela du remis?» «Eg spela mot Carlsen, så eg sikra ein remis». Like etter kjem Radzjabov: «Du hadde kvit. Kvifor spela du remis?» «Eg hadde uflaks. Motstandaren hadde førebudd ei siciliansk opning».
To rundar seinare kjem dei båe ut til pressa samstundes. «Kvifor spela de remis?» «Eg spela jo mot Karjakin, han er den beste russaren», seier Radzjabov. «Eg hadde jo svart», seier Karjakin. «Vi takkar spelarane», seier ordstyraren på pressekonferansen. Ljoden av ein liten øyrefik går gjennom rommet. Det viser seg å vera ein reservert applaus. Motstandarane går saman til buffeen i naborommet. «For eit slit», seier den eine. «Eg søv dårleg for tida», seier den andre.
Dei to sekundantane til spelarane sit på fyrste rad i spelelokalet og halvsøv etter alt analysearbeidet. Dei er på eit vis konkurrentar, men til vanleg gode stormeistervener alt frå sovjettida. Sekundanten til Radzjabov dultar borti sekundanten til Karjakin. «Partiet er visst over. La oss gå til buffeen.» «Kva trur du journalistane vil skriva no? Sergej har spela remis i alle partia.» «Tejmur òg».
Ved buffeen kjem ein journalist bort til bordet deira. «Kva seier de til alle remisane?» «Venskapen har sigra!», seier den eine sekundanten triumferande, og alle nikkar. Etter maten går dei to spelarane og sekundantane ein tur i den vakre parken utanfor senteret. Dei finn ein benk. Eit par gamle damer flyttar seg diskret og gjev plassen til sjakkspelarane.
Denne halvdokumentariske stubben er inspirert av forteljinga «Sigerherrane» (om to brytarar som ikkje vil bryta på matta) av den russiske kultforfattaren Sergej Dovlatov (1941–1990).
Atle Grønn
Atle Grønn er internasjonal
meister i sjakk.
Fleire artiklar
Kate Winslet spelar tittelrolla i ei sann historie om den banebrytande fotografen Lee Miller, som forlét eit glamorøst liv som modell for å dokumentera andre verdskrigen.
Foto: Filmweb.no
Det andre blikket
Den formeltru filmen om fotografen Lee Miller gjev eit velkome blikk på krig og kjønn.
Tormod Haugland, frå Radøy i Hordaland, forfattardebuterte som 32-åring og har sidan gitt ut ei lang rekke romanar, noveller, dikt og dramatikk.
Foto: Helge Skodvin
Livets dropar
Hauglands fabel pendlar mellom draum og røynd.
«Moren» blir løfta på plass utanfor Munch-museet i 2022.
Foto: Heiko Junge / NTB
Hvor original er «Moren» foran Munchmuseet?
Anna Fesun, «Guds moder», gjev «magisk hjelp» til hjelpelause og medvitslause ukrainarar – mot eit verdsleg vederlag.
Krig og psyke
Det er vanskeleg å vite om den nye «sigersplanen» som president Zelenskyj nyleg varsla, er ein verkeleg sigersplan eller berre ein ny freistnad på å kurere tungsinn i det ukrainske samfunnet.
Teikning: May Linn Clement
Ikkje til stades
«Kva er det han tråkker sånn for? Tenker folk. Skal han på besøk, eller hente noko? Nei, som vanleg skal han berre opp og snu.»
Papiravisa