Anand før 2013
Ein norsk sjakkfamilie følgjer Anand i 2010.
I norsk sjakk har vi følgt indaren Vishy Anand sidan 1986, då han var 16 år gamal og kom til junior-VM på Gausdal høgfjellshotell. Anand spela leikande lett, med eit tempo ein berre finn hjå indiske ungdomar. Simen Agdestein var den store favoritten, men var mykje klokare og tyngre på labben. Til slutt vart Agdestein nummer to bak cubanaren Arencibia, medan Anand vart nummer sju. Året etter, på Filippinane, vart Anand juniorverdsmeister då han slo Agdestein i eit avgjerande parti.
I 1995 utfordra Anand verdsmeister Garri Kasparov i New York. VM-kampen byrja med åtte remisar, før Anand vann det niande partiet. Men Kasparov vann fire av dei fem neste partia. Ein kunne følgja trekka frå 107. etasje i World Trade Center direkte på internett. Henrik Carlsen gjorde nett det og freista lokka Magnus (4) til skjermen. Men utan stor suksess. Den vesle guten tykte ikkje sjakk var særleg interessant og slutta før han hadde byrja. Så fann han på ny fram til brikkene som åtteåring og utfordra storesyster Ellen (9).
På 2000-talet vann Anand eit parti mot stormeister Peter Heine Nielsen. Dei diskuterte partiet etterpå, og indaren vart så imponert over idérikdomen til dansken at han inviterte han til ei treningssamling. Slik vart Heine Nielsen sekundant for Anand under VM-kampen mot Vladimir Kramnik i 2008. Då Anand skulle forsvara tittelen mot Veselin Topalov i Sofia i 2010, på heimebanen til bulgararen, nytta han 19 år gamle Carlsen som sparringspartnar. Dansken var som vanleg med som sekundant.
Kampen vart jamn og spanande, då Anand endeleg kom fram til Sofia etter å ha vore «oskefast» i 40 timar. Stillinga var 5,5–5,5 før det siste partiet med Toplaov som kvit. Heile familien min følgde trekka på skjermen. Son min (10) var sjuk, men interessert. Dotter mi (7) var berre interessert. Topalov gjekk til åtak, men Anand vann etter eit framifrå motåtak.
Då Carlsen utfordra Anand i 2013, heldt dansken seg unna. Han ville ikkje velja side. Seinare vart han fast sekundant for nordmannen. VM-kampen i 2013 skreiv norsk TV-historie, men eg saknar den eksklusive internettsendinga heime på soverommet i 2010.
Atle Grønn
Atle Grønn er internasjonal
meister i sjakk.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
I norsk sjakk har vi følgt indaren Vishy Anand sidan 1986, då han var 16 år gamal og kom til junior-VM på Gausdal høgfjellshotell. Anand spela leikande lett, med eit tempo ein berre finn hjå indiske ungdomar. Simen Agdestein var den store favoritten, men var mykje klokare og tyngre på labben. Til slutt vart Agdestein nummer to bak cubanaren Arencibia, medan Anand vart nummer sju. Året etter, på Filippinane, vart Anand juniorverdsmeister då han slo Agdestein i eit avgjerande parti.
I 1995 utfordra Anand verdsmeister Garri Kasparov i New York. VM-kampen byrja med åtte remisar, før Anand vann det niande partiet. Men Kasparov vann fire av dei fem neste partia. Ein kunne følgja trekka frå 107. etasje i World Trade Center direkte på internett. Henrik Carlsen gjorde nett det og freista lokka Magnus (4) til skjermen. Men utan stor suksess. Den vesle guten tykte ikkje sjakk var særleg interessant og slutta før han hadde byrja. Så fann han på ny fram til brikkene som åtteåring og utfordra storesyster Ellen (9).
På 2000-talet vann Anand eit parti mot stormeister Peter Heine Nielsen. Dei diskuterte partiet etterpå, og indaren vart så imponert over idérikdomen til dansken at han inviterte han til ei treningssamling. Slik vart Heine Nielsen sekundant for Anand under VM-kampen mot Vladimir Kramnik i 2008. Då Anand skulle forsvara tittelen mot Veselin Topalov i Sofia i 2010, på heimebanen til bulgararen, nytta han 19 år gamle Carlsen som sparringspartnar. Dansken var som vanleg med som sekundant.
Kampen vart jamn og spanande, då Anand endeleg kom fram til Sofia etter å ha vore «oskefast» i 40 timar. Stillinga var 5,5–5,5 før det siste partiet med Toplaov som kvit. Heile familien min følgde trekka på skjermen. Son min (10) var sjuk, men interessert. Dotter mi (7) var berre interessert. Topalov gjekk til åtak, men Anand vann etter eit framifrå motåtak.
Då Carlsen utfordra Anand i 2013, heldt dansken seg unna. Han ville ikkje velja side. Seinare vart han fast sekundant for nordmannen. VM-kampen i 2013 skreiv norsk TV-historie, men eg saknar den eksklusive internettsendinga heime på soverommet i 2010.
Atle Grønn
Atle Grønn er internasjonal
meister i sjakk.
Fleire artiklar
Utvalsleiar Line Eldring leverer NOU-rapporten om EØS-avtalen til utanriksminister Espen Barth Eide (Ap).
Foto: Terje Pedersen / NTB
Kva er alternativet til EØS-medlemskap?
Anna Kleiva er forfattar og omsetjar.
Foto: Privat
Anna Kleiva er ny diktskribent i Dag og Tid
«Eg ser fram til å arbeida meir med einskilde dikt frå ulike forfattarar.»
Sofi Oksanen er av dei forfattarane som har fått flest prisar i Norden. Bøkene hennar er omsette til 46 språk. Biletet er frå bokmessa i Wien i 2022.
Foto: Nicola Montfort / Wikimedia Commons
Vald mot kvinner som våpen
Sofi Oksanen ønskte å skrive ei bok som er tilgjengeleg for vanlege lesarar, som kan lesast utan kart og utan at ein treng følgje krigsnyhenda dag for dag. At essayet Putins krig mot kvinner skulle bli så skremmande, såg ho ikkje heilt for seg.
For Balázs Orbán, som er politisk rådgjevar for statsministeren, er jobben å halda fast ved dei langsiktige måla til regjeringa mellom alle dei mindre og større oppgåvene i kvardagen.
Foto frå heimesida til Orbán Balázs i regjeringa
Verda ifølgje Orbán
BUDAPEST: I ei ny bok fortel ideologen til Viktor Orbán korleis Ungarn vil utfordra den liberale verdsordninga. Weekendavisen har møtt han.
Gjengkrim – ein varsla katastrofe
Det går knapt ein dag utan grove valdshendingar i Oslo. Bak står gjengar og mektige kriminelle nettverk som har vakse fram dei siste ti åra.
Papiravisa