Å flykta gjennom sjakkenI runde sju vann han mot Etiopia, i runde åtte mot Trinidad og Tobago, i runde ni mot Zambia og i runde ti mot Uruguay. Ward Al-Tarbosh, som nett hadde fylt 18 år, var toppscorar på det syriske landslaget i sjakkolympiaden i Tromsø

I runde sju vann han mot Etiopia, i runde åtte mot Trinidad og Tobago, i runde ni mot Zambia og i runde ti mot Uruguay. Ward Al-Tarbosh, som nett hadde fylt 18 år, var toppscorar på det syriske landslaget i sjakkolympiaden i Tromsø i august 2014, men han møtte ikkje opp til ellevte og siste parti mot Estland. Trass i eitt tap på walkover, makta Syria å halda Estland til 2–2.

Eit år seinare dukka Al-Tarbosh opp i sjakklubben. Han spela snøgt og trippa nervøst med foten slik sjakkspelarar gjerne gjer. Han sat med ei boblejakke som han ikkje rakk å ta av seg før partiet var over. Eg var overraska over å høyra at han var den beste spelaren i Syria. Ratinga hans fall kraftig i møte med norske amatørar. Sjølvsagt hadde han ein viss intuisjon og eit godt handlag, men han rekna ikkje ein einaste variant, og såg ikkje ut til å ta eit tap særleg tungt. Al-Tarbosh var i tankane i Syria, og var uroleg for asylsøknaden.

Året etter var han rolegare. Ratinga var ikkje lenger så høg, men han spela seriøst. Han var favoritt i B-gruppa i den internasjonale turneringa på Fagernes i romjula 2015, men tapte etter ein spektakulær kombinasjon mot ein blind mann frå Horten. Ingen snakka om Al-Tarbosh, men spelet til den blinde vinnaren vekte oppsikt. Seinare vart han utestengd frå norsk sjakk.

Så losna spelet for Al-Tarbosh i noregsmeisterskapen i Tromsø sumaren 2016. Han vann klasse 1 suverent, og skjenkte pokalen til ordføraren i Spydeberg, der han var busett og hadde fått asyl.

Er du abonnent? Logg på for å lese vidare

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.

E-postadressa di

Eg godtek vilkåra

Eller kjøp eit anna abonnement

Er du abonnent? Logg på for å lese vidare