Foto: Knut Falch / NTB scanpix
Heinrich Schütz (1585–1672)
I landsknektenes land, hvor
det myrdes for Frelseren og
det daglige brød. I rottenes
rike, hvor utbrente landsbyer
sverter keiseres og pavers
falske håndtrykk. I enkenes
egn, hvor kornet mugner i det
kalde regnet og nye bander
leiesoldater leker i gjørmen.
Kirken falmer i lyset fra en
magrere guddom og bibelordene
renner som ormegift fra
blodløse lepper. Da vekker
Italias varme det flittige
tyske frøet og en glattpannet
guttestemme blomstrer i den
knortede neven: som rubinen
lyser i det pure gull. Dette
alene vedvarer.
Henning Kramer Dahl
Heinrich Schütz (1585–1672)
I landsknektenes land, hvor
det myrdes for Frelseren og
det daglige brød. I rottenes
rike, hvor utbrente landsbyer
sverter keiseres og pavers
falske håndtrykk. I enkenes
egn, hvor kornet mugner i det
kalde regnet og nye bander
leiesoldater leker i gjørmen.
Kirken falmer i lyset fra en
magrere guddom og bibelordene
renner som ormegift fra
blodløse lepper. Da vekker
Italias varme det flittige
tyske frøet og en glattpannet
guttestemme blomstrer i den
knortede neven: som rubinen
lyser i det pure gull. Dette
alene vedvarer.
Henning Kramer Dahl
«Musikk er mellomrommet mellom/ sprinklene i tidens fengsel», heiter fyrste line i prologdiktet til ei av dei merkelegaste diktsamlingane i norsk litteratur: Værhårmusikk (1995) av Henning Kramer Dahl. Prologen held fram: «Disse historiene handler om mennesker/ som tilbrakte sine liv/ med hendene i mellomrommet/ istedenfor rundt sprinklene./ Historiene er mine. Musikken/ tilhører alle.»
Korleis skal vi forstå prologen? «Tidens fengsel» er sjølvsagt ein metafor for det timelege, det forgjengelege, medan mellomromet er det evige. Musikk er såleis det som lyfter oss opp frå noet og inn i det uforgjengelege. «Music, the mosaic of the air», skreiv den engelske poeten Andrew Marvell.
Samlinga inneheld historier om store komponistar, frå gresk antikk fram til samtidsmusikken, det endar med amerikanaren John Cage, som døydde i 1992. Heinrich Schütz, som diktet attmed handlar om, er rekna som den største tyske komponisten før Bach og saman med Claudio Monteverdi, ein av dei største komponistane på 1600-talet.
Som det går fram av innhaldet i diktet, levde Schütz i ei turbulent tid: midt i trettiårskrigen, religionskrigen mellom katolikkar og protestantar. Trass i elendet makta Schütz å skapa stor musikk: ein vokal kyrkjemusikk som «lyser som det pure gull» frå guterøyster. Referansen til Italia viser sannsynlegvis til reisa hans til Sør-Europa i 1628, midt i trettiårskrigen. Opphaldet gav tyskaren nye kunstnarlege impulsar.
Som Håkan Sandell fortel i etterordet til Samlede dikt av Henning Kramer Dahl (2018), kom òg diktet om Schütz til å oppleva eit elende. «Har en stemme panne? Kan den blomstre», skreiv ein kritikar om dette diktet. Meldaren hadde tydelegvis vanskar med å skjøna det mest essensielle i poesien, biletspråk.
Henning Kramer Dahl gjekk frå oss i altfor ung alder, i 2017. Men dikta skin der enno som gull. Som han sjølv skriv: «Dette alene vedvarer.»
Ronny Spaans
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
«Musikk er mellomrommet mellom/ sprinklene i tidens fengsel», heiter fyrste line i prologdiktet til ei av dei merkelegaste diktsamlingane i norsk litteratur: Værhårmusikk (1995) av Henning Kramer Dahl. Prologen held fram: «Disse historiene handler om mennesker/ som tilbrakte sine liv/ med hendene i mellomrommet/ istedenfor rundt sprinklene./ Historiene er mine. Musikken/ tilhører alle.»
Korleis skal vi forstå prologen? «Tidens fengsel» er sjølvsagt ein metafor for det timelege, det forgjengelege, medan mellomromet er det evige. Musikk er såleis det som lyfter oss opp frå noet og inn i det uforgjengelege. «Music, the mosaic of the air», skreiv den engelske poeten Andrew Marvell.
Samlinga inneheld historier om store komponistar, frå gresk antikk fram til samtidsmusikken, det endar med amerikanaren John Cage, som døydde i 1992. Heinrich Schütz, som diktet attmed handlar om, er rekna som den største tyske komponisten før Bach og saman med Claudio Monteverdi, ein av dei største komponistane på 1600-talet.
Som det går fram av innhaldet i diktet, levde Schütz i ei turbulent tid: midt i trettiårskrigen, religionskrigen mellom katolikkar og protestantar. Trass i elendet makta Schütz å skapa stor musikk: ein vokal kyrkjemusikk som «lyser som det pure gull» frå guterøyster. Referansen til Italia viser sannsynlegvis til reisa hans til Sør-Europa i 1628, midt i trettiårskrigen. Opphaldet gav tyskaren nye kunstnarlege impulsar.
Som Håkan Sandell fortel i etterordet til Samlede dikt av Henning Kramer Dahl (2018), kom òg diktet om Schütz til å oppleva eit elende. «Har en stemme panne? Kan den blomstre», skreiv ein kritikar om dette diktet. Meldaren hadde tydelegvis vanskar med å skjøna det mest essensielle i poesien, biletspråk.
Henning Kramer Dahl gjekk frå oss i altfor ung alder, i 2017. Men dikta skin der enno som gull. Som han sjølv skriv: «Dette alene vedvarer.»
Ronny Spaans
Fleire artiklar
Foto: Vibeke Ekeland Grønn
«For nokre månader sidan fekk eg eit anonymt tips i posthylla på jobben»
Skodespelarane Joseph Engel (Bastien) og Sara Montpetit (Chloé) i regidebuten til Charlotte Le Bon.
Foto: Cinemateket
Søte sommarskrømt
Falcon Lake er ein ven og var knalldebut frå Quebec.
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Utvalsleiar Line Eldring leverer NOU-rapporten om EØS-avtalen til utanriksminister Espen Barth Eide (Ap).
Foto: Terje Pedersen / NTB