Litteratur
Forfattaren som ikkje kan seie litteratur
Endeleg skal Lars Petter Sveen senke skuldrene og gjere det han har skjult i 40 år – stamme. Men prosessen har ikkje vore enkel, og han er ikkje i mål. Det fortel han om i si nye bok.
Lars Petter Sveen (f. 1981) er frå Fræna i Møre og Romsdal og bur i Oslo. Han er tidlegare elev ved Skrivekunstakademiet i Hordaland.
Foto: Tine Poppe
Kunsten å stamme – uten at noen merker det er forteljinga om han som alt frå tidleg alder skjøna at han ikkje var som alle andre, og som etter kvart tok til å lage seg teknikkar for å skjule det han forstod ikkje skulle høyrast. Når han no har skrive bok om dette, er det især fordi ei slik bok skulle finnast. Ho fanst ikkje då Sveen trong henne, og det kunne vore til stor hjelp om boka hadde funnest.
– Så handlar det òg om å ha førebilete som stammar, noko det ikkje har vore for mange av i den norske ålmenta. Det gjer at vi som stammar får forsterka kjensla av at det er noko gale med oss. For meg var det sterkt og fint å høyre Joe Biden, verdas mektigaste mann, stamme.
Sveen fortel at han aldri har tort å stamme i vaksen alder. Og når han har høyrt andre stamme, har han forlate rommet.
– Blei det stamma på TV, slo eg av. I dag tenkjer eg at det kanskje hadde vore lettare om eg hadde stamma. Eg har valt bort ting i livet for å unngå å hamne i ubehagelege situasjonar. Tileigna meg ein måte å snakke på for å meistre å tale utan høyrbar stamming. Det har teke mykje energi.
Svima av
– Du må vere utsliten etter alle desse åra.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
