«Republikk i Noreg» var tittelen. Ordskifte var ei svært populær spalte der lesarane diskuterte stort og smått. Fosse blei overraska over kor mange som var usamde med han.

«REPUBLIKK I NOREG!

Synest du det er rett at det høgste embetet i Noreg skal gå i arv? Det er mykje rettferdigare med president enn konge, og då er vi meir sikre på at vi får rett mann på rett plass.

Presidenten har arbeidt seg opp til den stillinga han får, det har ikkje kongen. Kongen kan ikkje straffast, seier grunnlova, så om han bryt lovene, kan han ikkje bli dømd.

Etter grunnlova er kongen rekna for ein heilag person. (Kan de som er kristne, godta det?)

For å få demokrati fullt ut, må vi få republikk. Grunnen til det er at i eit demokrati skal alle ha same rett, og det har vi ikkje no når det høgste embetet i landet vårt går i arv.

I grunnlova står det at alle er like for lova. Den paragrafen blir broten no.

Og alt dette stoffet som vi les om kongelege personar i til dømes «Alle kvinner» og «Hjemmet», reknar eg som rett og slett sidefyll. (Slikt stoff er vel ein av grunnane til at folk «likar» kongen så godt.)

Alt dette gjer at eg er for republikk i Noreg».

Jon Olav

Svar til Jon Olav

Då eg las innlegget ditt, vart eg sint. Kongen kan ikkje straffast, det er sant, men har du høyrt at han har gjort noko gale nokon gong? Om kongen gjer noko svært gale, kan han bli avsett. Kongen vil nok ikkje lika å bli avsett, så han held nok lovene. Nei, vi vil ikkje ha republikk i Noreg.

Helsing frå «Trulte»,
12 år

Nana Rise-Lynum

Nana Rise-Lynum er redaktør i Norsk Barneblad.