Film

Sofie May Rånes

sofie@dagogtid.no

Sidan debuten med ein dokumentarfilm om æresdrap, Banaz – a Love Story, i i 2012, har Deeyah Khan laga ei rekkje samfunnsaktuelle filmar der ho konfronterer militante aktivistar, både islamistar og nynazistar, mellom anna Jihad – a Story of the Others og White Right – Meeting the Enemy. I år er ho aktuell med dokumentarfilmane America’s War on Abortion og Muslim in Trump’s America.

Den norskpakistanske regis­-
søren er ifølgje styreleiaren i Fritt Ord, Grete Brochmann, «en uhyre viktig utøver av kunstnerisk ytringsfrihet», og filmane hennar er «følsomme og dristige i sine forsøk på å forstå og opplyse, og behandler flere av de mest kontroversielle temaene i vår tid». 

Deeyah Khan er òg grunnleggjaren av kunst- og mediebedrifta Fuuse som fokuserer på å la kvinner, minoritetar og «tredjekulturborn» få fortelje historiene sine. Gjennom Fuuse har ho starta det digitale magasinet Sister-hood, som set søkelys på at kvinner med muslimsk bakgrunn skal ha ei plattform der dei kan ytre seg og delta i debatten som handlar om dei. 

Prisen, som er på 500.000 kroner og ein statuett signert Nils Aas, vert delt ut søndag 13. desember i operahuset i Oslo.