Flat struktur
Til å vera ein film med djupe intensjonar blir det for mykje overflate.
Venskapen til tenåringsgutane vert sett på prøve.
Foto: Another World Entertainment
Drama
Regi: Ira Sachs
Little men
Med: Greg Kinnear, Paula García, Theo Taplitz, Michael Barbieri
Etter at bestefaren er død, tek Jake (Taplitz) og foreldra over huset hans i Brooklyn. I underetasjen har Leonor (García) drive butikk i årevis. Son hennar, Tony (Barbieri), vert fort besteven med beskjedne Jake, og alt verkar som ein lukkeleg overgang. Så vil tanta til Jake ha eit ord med i laget. Ho krev at dei leiger ut butikklokalet til marknadspris. Leonor har betalt svært låg leige fordi bestefaren ville det slik så lenge han eigde huset. Brått vert alle gjort til kapitalistar, og venskapen til tenåringsgutane vert sett på prøve.
Homo sapiens
Ira Sachs pleier vanlegvis ta for seg homofili i filmane sine. Kjennemerket har vore ei nærast sosialrealistisk tilnærming der legning berre er ein fellesnemnar, ikkje eit tema i seg sjølv. Førre filmen hans, Love is strange (2014), tok for seg eit gamalt homofilt ektepar, nydeleg avslappa og lite anstrengt spelt av John Lithgow og Alfred Molina. Når Little Men då kjem på kino, med tittelskrifta i regnbogefargar, rekna eg nesten med at han ville fortsetja i same leia. No bør eg jo kanskje ikkje bli direkte skuffa over at homofili knapt vert nemnd, men kjensla av at det manglar ein dimensjon, er uansett til stades. Handlinga kjennest litt tynn, nærast lettvint. Så ligg også handlinga tungt på dei to gutane, noko dei ber OK nok. Men eg lèt meg ikkje heilt riva med; eg blir liksom ikkje heilt kjent med dei.
Realty bites
Regissør Sachs er glad i New York, og eg er svak for den varme framstillinga av sommarbyen med mursteinshus, parkar og travle fortau. Livet som kvit middelklassefamilie verkar sjeldan veldig dramatisk, ytre sett, og sjølv om skodespelarfaren (Kinnear) slit med å få godt betalte spelejobbar, så har dei eit nedbetalt hus i Brooklyn, så det er grenser for kor synd det er i dei.
Sachs er heldigvis alltid flink til å visa mangfaldet som storbyen representerer, her ved Leonor, mor til Tony, som er chilensk syerske. Det er berre synd at eg føler at eg ikkje kjem særleg tett innpå henne heller. Sjølv om Little Men ikkje er ein beint ut dårleg film, sit eg att med kjensla av likesæle og ein litt emmen ettersmak av kjip kapitalistrealisme.
Brit Aksnes
Brit Aksnes er frilans kulturarbeidar og fast filmmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Drama
Regi: Ira Sachs
Little men
Med: Greg Kinnear, Paula García, Theo Taplitz, Michael Barbieri
Etter at bestefaren er død, tek Jake (Taplitz) og foreldra over huset hans i Brooklyn. I underetasjen har Leonor (García) drive butikk i årevis. Son hennar, Tony (Barbieri), vert fort besteven med beskjedne Jake, og alt verkar som ein lukkeleg overgang. Så vil tanta til Jake ha eit ord med i laget. Ho krev at dei leiger ut butikklokalet til marknadspris. Leonor har betalt svært låg leige fordi bestefaren ville det slik så lenge han eigde huset. Brått vert alle gjort til kapitalistar, og venskapen til tenåringsgutane vert sett på prøve.
Homo sapiens
Ira Sachs pleier vanlegvis ta for seg homofili i filmane sine. Kjennemerket har vore ei nærast sosialrealistisk tilnærming der legning berre er ein fellesnemnar, ikkje eit tema i seg sjølv. Førre filmen hans, Love is strange (2014), tok for seg eit gamalt homofilt ektepar, nydeleg avslappa og lite anstrengt spelt av John Lithgow og Alfred Molina. Når Little Men då kjem på kino, med tittelskrifta i regnbogefargar, rekna eg nesten med at han ville fortsetja i same leia. No bør eg jo kanskje ikkje bli direkte skuffa over at homofili knapt vert nemnd, men kjensla av at det manglar ein dimensjon, er uansett til stades. Handlinga kjennest litt tynn, nærast lettvint. Så ligg også handlinga tungt på dei to gutane, noko dei ber OK nok. Men eg lèt meg ikkje heilt riva med; eg blir liksom ikkje heilt kjent med dei.
Realty bites
Regissør Sachs er glad i New York, og eg er svak for den varme framstillinga av sommarbyen med mursteinshus, parkar og travle fortau. Livet som kvit middelklassefamilie verkar sjeldan veldig dramatisk, ytre sett, og sjølv om skodespelarfaren (Kinnear) slit med å få godt betalte spelejobbar, så har dei eit nedbetalt hus i Brooklyn, så det er grenser for kor synd det er i dei.
Sachs er heldigvis alltid flink til å visa mangfaldet som storbyen representerer, her ved Leonor, mor til Tony, som er chilensk syerske. Det er berre synd at eg føler at eg ikkje kjem særleg tett innpå henne heller. Sjølv om Little Men ikkje er ein beint ut dårleg film, sit eg att med kjensla av likesæle og ein litt emmen ettersmak av kjip kapitalistrealisme.
Brit Aksnes
Brit Aksnes er frilans kulturarbeidar og fast filmmeldar i Dag og Tid.
Fleire artiklar
Utvalsleiar Line Eldring leverer NOU-rapporten om EØS-avtalen til utanriksminister Espen Barth Eide (Ap).
Foto: Terje Pedersen / NTB
Kva er alternativet til EØS-medlemskap?
Anna Kleiva er forfattar og omsetjar.
Foto: Privat
Anna Kleiva er ny diktskribent i Dag og Tid
«Eg ser fram til å arbeida meir med einskilde dikt frå ulike forfattarar.»
Sofi Oksanen er av dei forfattarane som har fått flest prisar i Norden. Bøkene hennar er omsette til 46 språk. Biletet er frå bokmessa i Wien i 2022.
Foto: Nicola Montfort / Wikimedia Commons
Vald mot kvinner som våpen
Sofi Oksanen ønskte å skrive ei bok som er tilgjengeleg for vanlege lesarar, som kan lesast utan kart og utan at ein treng følgje krigsnyhenda dag for dag. At essayet Putins krig mot kvinner skulle bli så skremmande, såg ho ikkje heilt for seg.
For Balázs Orbán, som er politisk rådgjevar for statsministeren, er jobben å halda fast ved dei langsiktige måla til regjeringa mellom alle dei mindre og større oppgåvene i kvardagen.
Foto frå heimesida til Orbán Balázs i regjeringa
Verda ifølgje Orbán
BUDAPEST: I ei ny bok fortel ideologen til Viktor Orbán korleis Ungarn vil utfordra den liberale verdsordninga. Weekendavisen har møtt han.
Gjengkrim – ein varsla katastrofe
Det går knapt ein dag utan grove valdshendingar i Oslo. Bak står gjengar og mektige kriminelle nettverk som har vakse fram dei siste ti åra.