Ars Moriendi – eller de syv dødsmåter er truleg den mest kjende diktsamlinga til Georg Johannesen. Tittelen minner om ein kjend sjanger i litteraturhistoria: euthanasia (gresk for «god død»). Denne sjangeren har ingenting med vår tids «aktiv dødshjelp» å gjera; euthanasia-bøker inneheldt milde, trøystande ord til den døyande, det handla om kunsten å døy, og dei var skrivne av prestar og pastorar.
Ars Moriendi er latin og tyder nett «kunsten å døy», men Johannesen snur opp ned på sjangeren. Johannesens forfattarskap blir karakterisert som gjennomsyra av politisk rasjonalisme. Hans Ars Moriendi blir då eit rengjebilete på euthanasia-tradisjonen – det handlar ikkje om trøyst, men om å vekkje menneske til språkleg og politisk medvit. Her har ingen prest, men Brecht – den tyske satirediktaren – vore førebiletet.
Undertittelen «eller de syv dødsmåter» refererer til dei sju dødssyndene frå katolsk-kristen lære. Diktsamlinga er sett saman av sju gongar sju – altså 49 – dikt som er ordna i sju kapittel; dikta står til sju veker og deretter sju dagar. Kvar veke er såleis kopla til éi dødssynd. «Oppslag i en Obos-blokk» høyrer til dødssynda fråssing og til vekedagen tysdag.
Ved fyrste gjennomlesing trur ein kanskje diktet handlar om ulike måtar å døy på, som å drukne seg i badekaret. Men med tanke på tittelinnhaldet (ei anonym Obos-blokk) og den oppattakande strukturen (repetisjonen av «jeg» og eit påfylgjande verb) er det heller tale om kritikk av ein automatisert kvardag: eta same mat kvar dag, hengje opp same vasken på loftet og så bortetter. Lever ein verkeleg, når ein er fanga i ein rutineprega kvardag?
Diktet får meg til å tenkje på eit av Pushwagners kunstverk: tomme andlet i vindaugo i ei bustadblokk. Diktet kan gjerne tolkast som ein direkte kritikk av byggjepolitikken til Obos. Dessverre er mange av blokkene Obos reiser i dag, like triste og umenneskelege som dei som vart reiste i 1965.
Ronny Spaans
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Ars Moriendi – eller de syv dødsmåter er truleg den mest kjende diktsamlinga til Georg Johannesen. Tittelen minner om ein kjend sjanger i litteraturhistoria: euthanasia (gresk for «god død»). Denne sjangeren har ingenting med vår tids «aktiv dødshjelp» å gjera; euthanasia-bøker inneheldt milde, trøystande ord til den døyande, det handla om kunsten å døy, og dei var skrivne av prestar og pastorar.
Ars Moriendi er latin og tyder nett «kunsten å døy», men Johannesen snur opp ned på sjangeren. Johannesens forfattarskap blir karakterisert som gjennomsyra av politisk rasjonalisme. Hans Ars Moriendi blir då eit rengjebilete på euthanasia-tradisjonen – det handlar ikkje om trøyst, men om å vekkje menneske til språkleg og politisk medvit. Her har ingen prest, men Brecht – den tyske satirediktaren – vore førebiletet.
Undertittelen «eller de syv dødsmåter» refererer til dei sju dødssyndene frå katolsk-kristen lære. Diktsamlinga er sett saman av sju gongar sju – altså 49 – dikt som er ordna i sju kapittel; dikta står til sju veker og deretter sju dagar. Kvar veke er såleis kopla til éi dødssynd. «Oppslag i en Obos-blokk» høyrer til dødssynda fråssing og til vekedagen tysdag.
Ved fyrste gjennomlesing trur ein kanskje diktet handlar om ulike måtar å døy på, som å drukne seg i badekaret. Men med tanke på tittelinnhaldet (ei anonym Obos-blokk) og den oppattakande strukturen (repetisjonen av «jeg» og eit påfylgjande verb) er det heller tale om kritikk av ein automatisert kvardag: eta same mat kvar dag, hengje opp same vasken på loftet og så bortetter. Lever ein verkeleg, når ein er fanga i ein rutineprega kvardag?
Diktet får meg til å tenkje på eit av Pushwagners kunstverk: tomme andlet i vindaugo i ei bustadblokk. Diktet kan gjerne tolkast som ein direkte kritikk av byggjepolitikken til Obos. Dessverre er mange av blokkene Obos reiser i dag, like triste og umenneskelege som dei som vart reiste i 1965.
Ronny Spaans
Fleire artiklar
Gjengkrim – ein varsla katastrofe
Det går knapt ein dag utan grove valdshendingar i Oslo. Bak står gjengar og mektige kriminelle nettverk som har vakse fram dei siste ti åra.
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
For Balázs Orbán, som er politisk rådgjevar for statsministeren, er jobben å halda fast ved dei langsiktige måla til regjeringa mellom alle dei mindre og større oppgåvene i kvardagen.
Foto frå heimesida til Orbán Balázs i regjeringa
Verda ifølgje Orbán
BUDAPEST: I ei ny bok fortel ideologen til Viktor Orbán korleis Ungarn vil utfordra den liberale verdsordninga. Weekendavisen har møtt han.
29 år gamle Jordan Bardella leier det franske høgrepopulistiske partiet Rassemblement National – som omsett til norsk vert Nasjonal samling. Det ligg an til å verte det største partiet i Frankrike ved EU-valet om ein månad. Biletet er frå eit valkampmøte i Perpignan, sør i Frankrike, 1. mai.
Foto: Manon Cruz / Reuters
Eit Europa i mørkare blått
Partia ytst til høgre ligg an til å styrkje stillinga si i Europaparlamentet ved valet om ein månad. Men dei kjem ikkje til å få stor politisk makt, ifølgje diplomat og forskar Sverre Jervell.
Elin Eika Bringa debuterer som romanforfattar.
Foto: Christopher Helberg / Bonnier Forlag
Utan eit eige rom
Elin Eika Bringa skriv seg inn i dei siste dagane i eit liv i romanen Snart er eg natt.