Arkivet: Bluesmannen har forlate bygningen

Blueslegenda John Hammond jr. døydde 1. mars, 83 år gamal. Han var son av talentspeidaren og produsenten John Hammond som spelte inn Bessie Smith, Bob Dylan, Bruce Springsteen og Stevie Ray Vaughan for Columbia Records.

Med skilde foreldre såg ikkje John mykje til faren i oppveksten, men då han som 16-åring var på besøk, fekk han høyre dei originale 78-innspelingane med Robert Johnson som faren nyutgav i 1961 på albumet King of the Delta Blues Singers. Plata skapte historie, og generasjonar av bluesfrelste tok til å dyrke ein omreisande svart musikar som 27 år gamal blei drepen i det segregerte sør i 1938.

Hammond jr. lærte seg songane til både Johnson og andre bluesgigantar og var snart på plakaten til Newport-festivalen. Før 60-talet var over, hadde han spelt inn sju meisterlege album med både akustisk blues og elektrisk rhythm & blues. Musikarane hans blei kjernen i The Band med mellomspel hos Dylan, men den munnspelande gitaristen og songaren Hammond fann alltid nye musikarar.

På 2000-talet vitja han Bergen med studiobandet frå si Tom Waits-produserte Wicked Grin-plate med Waits-songar. Det var ei storhending. Hammond song Waits inn i blueshistoria.

Er du abonnent? Logg på for å lese vidare

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.

E-postadressa di

Eg godtek vilkåra

Eller kjøp eit anna abonnement

Er du abonnent? Logg på for å lese vidare