Den som gret fyrst
I dag er det harde tider for dei knallharde meldarane. Krenkte kunstnarar svarar no med endå meir krenkjande skuldingar, blanda med tårer og høge sjåartal.
Diktarkritikar Georg Johannesen.
Foto: Sverre A. Børretzen / NTB
Kommentar
havard@dagogtid.no
Dagbladet-meldaren Anders Grønneberg har nyleg gjeve terningkast 1 til nokre MGP-songar, i lag med negative utsegner om songar og artistar. Han skriv i tradisjonen frå musikkmagasina i 1980-åra, då meldarane overgjekk kvarandre i vondsinna formuleringar om musikk dei ikkje likte.
«Invektivenes vellyst»
Tradisjonen er gamal. Som unge forfattarar sat me kring kaféborda og siterte høgt frå dei mest perfide bokslakta til omsynslause diktarkritikarar som Aksel Sandemose, Alf Larsen og Georg Johannesen. Dei verbale åtaka var så elegant formulerte at slaktofferet, ein forfattarkollega, krympa seg i skam, medan lesaren kjende skadefryd og meldaren fryda seg.
«Invektivenes vellyst» kalla me det. Trond Berg Eriksen nytta uttrykket så seint som i 2000. «Invektivenes og insinuasjonenes vellyst er beklageligvis en del av skrivegleden», skreiv han, og oppmoda meiningsmotstandarane til «å komme seg ut av klynkestuen».
Det var ikkje god tone å klynka i ålmenta. Laut ein gråta, gret ein privat og hjå psykologen. Å syna seg såra var ei større skam enn meldinga.
Klemz-generasjonen
Med meir frimod om mental helse har debattklimaet endra seg. Frå privatlivet veit me at ikkje noko kan snu ein vaksenkrangel som gråt. Tårer gjev eit moralsk overtak, no i ålmenta òg.
I Debatten i NRK1 tysdag såg me generasjonskløfta opna seg mellom musikkslaktaren Anders Grønneberg (59) og slaktofferet, artisten Tix (28). Den aldrande tøff i trynet-meldaren møtte ein blankøygd artist frå ein koz og klemz-generasjon som druknar kvarandre med hjarto på sosiale medium. Kommenterer du nøytralt, utan smil, er du eit nettroll.
MGP-songen «Walking In My Sleep» med Ane Caroline Finstad (29) kalla Grønneberg «et popskvalder som krever inntak av Postafen [reisesjukemedisin] å komme seg gjennom». At Finstad har ein podkast om mental helse, kommenterte han: «Hva med å grine litt på ‘Lindmo’?»
Dimed sparka han til ein annan terningkast 1-artist, Tix, som nyleg gret i fjernsynet då han i eit lanseringsintervju med Anne Lindmo opna seg om sjølvmordstankar.
Paradokset
Eit paradoks synte seg i Debatten. Det særs taleføre offeret kom med langt grovare skuldingar enn utsegnene som hadde krenkt han. Skuldinga om at songen var dårleg, vart møtt med skuldingar om at meldaren var eit dårleg menneske.
At perfiditetar i avisa vert møtte med tårer i fjernsynet, gjer det tøft for tøffe kritikarar. Så då er vel tida over for fornærmingar i ålmenta? Nei. Dei krenkte svarar med grovare krenkingar. Det kjenner dei ein moralsk rett til av di dei er kjenslevare.
Håvard Rem er journalist i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Kommentar
havard@dagogtid.no
Dagbladet-meldaren Anders Grønneberg har nyleg gjeve terningkast 1 til nokre MGP-songar, i lag med negative utsegner om songar og artistar. Han skriv i tradisjonen frå musikkmagasina i 1980-åra, då meldarane overgjekk kvarandre i vondsinna formuleringar om musikk dei ikkje likte.
«Invektivenes vellyst»
Tradisjonen er gamal. Som unge forfattarar sat me kring kaféborda og siterte høgt frå dei mest perfide bokslakta til omsynslause diktarkritikarar som Aksel Sandemose, Alf Larsen og Georg Johannesen. Dei verbale åtaka var så elegant formulerte at slaktofferet, ein forfattarkollega, krympa seg i skam, medan lesaren kjende skadefryd og meldaren fryda seg.
«Invektivenes vellyst» kalla me det. Trond Berg Eriksen nytta uttrykket så seint som i 2000. «Invektivenes og insinuasjonenes vellyst er beklageligvis en del av skrivegleden», skreiv han, og oppmoda meiningsmotstandarane til «å komme seg ut av klynkestuen».
Det var ikkje god tone å klynka i ålmenta. Laut ein gråta, gret ein privat og hjå psykologen. Å syna seg såra var ei større skam enn meldinga.
Klemz-generasjonen
Med meir frimod om mental helse har debattklimaet endra seg. Frå privatlivet veit me at ikkje noko kan snu ein vaksenkrangel som gråt. Tårer gjev eit moralsk overtak, no i ålmenta òg.
I Debatten i NRK1 tysdag såg me generasjonskløfta opna seg mellom musikkslaktaren Anders Grønneberg (59) og slaktofferet, artisten Tix (28). Den aldrande tøff i trynet-meldaren møtte ein blankøygd artist frå ein koz og klemz-generasjon som druknar kvarandre med hjarto på sosiale medium. Kommenterer du nøytralt, utan smil, er du eit nettroll.
MGP-songen «Walking In My Sleep» med Ane Caroline Finstad (29) kalla Grønneberg «et popskvalder som krever inntak av Postafen [reisesjukemedisin] å komme seg gjennom». At Finstad har ein podkast om mental helse, kommenterte han: «Hva med å grine litt på ‘Lindmo’?»
Dimed sparka han til ein annan terningkast 1-artist, Tix, som nyleg gret i fjernsynet då han i eit lanseringsintervju med Anne Lindmo opna seg om sjølvmordstankar.
Paradokset
Eit paradoks synte seg i Debatten. Det særs taleføre offeret kom med langt grovare skuldingar enn utsegnene som hadde krenkt han. Skuldinga om at songen var dårleg, vart møtt med skuldingar om at meldaren var eit dårleg menneske.
At perfiditetar i avisa vert møtte med tårer i fjernsynet, gjer det tøft for tøffe kritikarar. Så då er vel tida over for fornærmingar i ålmenta? Nei. Dei krenkte svarar med grovare krenkingar. Det kjenner dei ein moralsk rett til av di dei er kjenslevare.
Håvard Rem er journalist i Dag og Tid.
Fleire artiklar
Utvalsleiar Line Eldring leverer NOU-rapporten om EØS-avtalen til utanriksminister Espen Barth Eide (Ap).
Foto: Terje Pedersen / NTB
Kva er alternativet til EØS-medlemskap?
Anna Kleiva er forfattar og omsetjar.
Foto: Privat
Anna Kleiva er ny diktskribent i Dag og Tid
«Eg ser fram til å arbeida meir med einskilde dikt frå ulike forfattarar.»
Sofi Oksanen er av dei forfattarane som har fått flest prisar i Norden. Bøkene hennar er omsette til 46 språk. Biletet er frå bokmessa i Wien i 2022.
Foto: Nicola Montfort / Wikimedia Commons
Vald mot kvinner som våpen
Sofi Oksanen ønskte å skrive ei bok som er tilgjengeleg for vanlege lesarar, som kan lesast utan kart og utan at ein treng følgje krigsnyhenda dag for dag. At essayet Putins krig mot kvinner skulle bli så skremmande, såg ho ikkje heilt for seg.
For Balázs Orbán, som er politisk rådgjevar for statsministeren, er jobben å halda fast ved dei langsiktige måla til regjeringa mellom alle dei mindre og større oppgåvene i kvardagen.
Foto frå heimesida til Orbán Balázs i regjeringa
Verda ifølgje Orbán
BUDAPEST: I ei ny bok fortel ideologen til Viktor Orbán korleis Ungarn vil utfordra den liberale verdsordninga. Weekendavisen har møtt han.
Gjengkrim – ein varsla katastrofe
Det går knapt ein dag utan grove valdshendingar i Oslo. Bak står gjengar og mektige kriminelle nettverk som har vakse fram dei siste ti åra.