Sist laurdag sende eit avkom meg ein SMS der det stod: «Kjøp julebrus.» Eg flirte litt for meg sjølv, sidan det sjølvsagt ikkje er råd å få tak i julebrus i oktober. Men jo, då eg skulle handle, stod julebrusen og flekka tenner i hjartet av butikken. Det verste er at høgrehanda greip ein sekspakning heilt av seg sjølv. Halloweenbrus hadde dei ikkje. Det betyr at vi må drikke julebrus på halloweenfeiringa.

Ein blir rett og slett så ør at staten bør gripe inn: 1. november, første halloweendag, bør bli offentleg fridag, slik at folk får ro etter feiringa. Gi oss gjerne ein andre halloweendag òg.

Dessutan er det på tide at vi begynner å kalle jula christmas.