Trøbbel og tonekunst
Det har nett vore sommarsolkverv, og no i helga er det jonsok. På primstaven er det mange merkedagar å merke seg framover. 29. juni er det persok, og tidlegare var det slik at folk flest skulle faste og ikkje arbeide på denne dagen. I takt med tida har det etter kvart vorte slik at ein kan velje mellom avhald frå mat og drikke, eller å ta seg ein fridag når det er persok.
Ifylgje primstaven er det syftesok den 2. juli. Her seier tradisjonen, særleg på Sunnmøre, at ein skal ete fløytegraut på dagen. Mange stader i landet, også på Sunnmøre, er det innført valfridom med omsyn til graut eller ikkje graut på syftesok.
Ein merkedag det finst forvirring kring, er 10. juli. Då er det knutsok, men stikk imot kva mange trur, er dagen ikkje namngjeven etter Knut Hamsun. Om lesarane likevel vil heidre Hamsun på knutsok, skal dei ikkje frykte for refs frå boklækjaren. Eit døme på at Hamsun fortener merksemd i desse lyse dagane, finn me i Pan: «Der begyndte at blive ingen Nat, Solen dukked saavidt Skiven ned i Havet og kom saa op igen, rød, fornyet, som om den havde været nede og drukket.»
Laurits Killingbergtrø leita fram løysinga også denne gongen. Han skriv: «Takk for ny oppgåve, som for meg vart litt arbeidsam. Tekstklippet er frå ein nynorsk roman som kom i 2022, og da kunne det gått opp eit lys med det same. Men ikkje for meg, så eg tok i bruk tipset om at forfattaren er fødd eit år da det var ein nobelprisvinnar som skreiv på spansk. Der plukka eg ut årstala 1967, 1971, 1982 og 1989 som mest aktuelle. Men her var ikkje Wikipedia til noka hjelp med sitt ‘Litteraturåret (det og det)‘. Derimot var det nettstaden Oria som gav meg løysinga. Søk med kombinasjonen ‘roman nynorsk 2022 1982’ gav tre tilslag, men einast Ingelin Westeren hadde eit godteke fødselsår (1982). Boka hennar frå 2022 har tittelen Musikk for folk i trøbbel. Den boka fann eg, heldige byborgaren, på nærbiblioteket og fekk stadfesta sitat på rett side. Alle suter sløkte? Tja, berre det at no vart det å pløye seg gjennom 281 sider på jakt etter to kattepusar. Da kunne det vere lett å misse tråden når ein samstundes vart fengd av forteljinga til eg-personen Ida. Sjølv for ein høgaldra trønder var det interessant å få innblikk i det ungjentemiljøet i Oslo som ho skildrar. Men Ida har det slett ikkje lett og strir med personlege problem og usikker økonomi. Så var det kattane. Rufus blir vi kjende med alt på side 9, der han blir med familien når dei flyttar. Den andre, Tomine, oppdaga eg ikkje før på side 137, der ho blir sjuk og lyt til dyrlækjar. Har eg no løyst gåta, må tru? Ingelin Westeren er fødd i Møsstrond. Ho er ein ny og spennande forfattar som skriv god nynorsk, og vi ventar på framhaldet.»
Oddny Espeland Ystanes skriv: «Så fint at Medikus Libri denne veka har funne fram ei bok som eg har lese dette året! Eg fekk boka til jol i 2022. Forfattaren er Ingelin Westeren, ho er fødd i 1982, og det året fekk den colombianske forfattaren Gabriel Garcia Márquez Nobelprisen i litteratur. Tittelen på verket er Musikk for folk i trøbbel.»
Nina Korbu skriv: «Dette er så moro! Jeg gleder meg til hver fredag morgen nå, og en ny litterær nøtt i Klok på bok.»
Med eller utan trøbbel kom desse folka fram til rett svar på oppgåve 1582: John Olav Johnsen, Signar Myrvang, Eli Winjum, Ragnhild Eggen, Skeisebibliotekaren i LASK, Ingebjørg Sogge, Paul Henrik Hage, Jorunn Øxnevad Lie, Vigdis Hegna Myrvang, Inger Anne Hammervoll, Laurits Killingbergtrø, Else Gjesdahl Sørensen, Eli Hegna, Jan Alfred Sørensen, Kjell Helge Moe, Ole Husby, Gunder Runde, John Dag Hutchison, Gunnar Bæra, Nils Farstad, Per Trygve Karstensen, Inger Margrethe Berge, Inge Strand, Bjørn Myrvang, Lise Haaland, Reidar Birkeland, Audun Gjengedal, Sigrun Gjengedal Ruud, Oddny Espeland Ystanes, Thana Rongen, Bjørn Ole Bjørnsen, Gunnlaug og Tor Inge på Gullhaugen, Olav Holten, Jorunn Røyset, Camilla Høvik, Nina Korbu, Eirik Holten, Gunnar Eide, Torleik Stegane, Sissel Gunnarshaug, Sjur Joakim Fretheim, Robert Øfsti og Ole G. Evensen.
I dag skal me til Øygarden kommune for å finne bokvinnaren. Ho heiter Inger Margrethe Berge. Gratulerer!
Klok på bok 1584
Det er bare det at jeg ikke har hellet med meg lenger. Men hvem vet? Kanskje i dag. Hver dag er en ny dag. Det er bedre å ha hellet med seg enn ikke å ha det. Men jeg foretrekker å være nøyaktig. For når lykken da er der, så er man forberedt.
Sitatet er frå s. 31 i boklækjarutgåva. Boka kom ut på norsk same året som ho kom ut på originalspråket. Me skal fram til ein nobel forfattar som sette Knut Hamsun høgt. I boka får me høyre om ein gut som er hovudpersonens trufaste følgjesvein og lærling. Før eg godkjenner svaret, vil eg vete namnet på denne lærlingen. Send namn på lærling, namn på forfattar og tittel på verk til klok@dagogtid.no. Svarfristen er til og med 1. juli.
Medikus Libri
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Det har nett vore sommarsolkverv, og no i helga er det jonsok. På primstaven er det mange merkedagar å merke seg framover. 29. juni er det persok, og tidlegare var det slik at folk flest skulle faste og ikkje arbeide på denne dagen. I takt med tida har det etter kvart vorte slik at ein kan velje mellom avhald frå mat og drikke, eller å ta seg ein fridag når det er persok.
Ifylgje primstaven er det syftesok den 2. juli. Her seier tradisjonen, særleg på Sunnmøre, at ein skal ete fløytegraut på dagen. Mange stader i landet, også på Sunnmøre, er det innført valfridom med omsyn til graut eller ikkje graut på syftesok.
Ein merkedag det finst forvirring kring, er 10. juli. Då er det knutsok, men stikk imot kva mange trur, er dagen ikkje namngjeven etter Knut Hamsun. Om lesarane likevel vil heidre Hamsun på knutsok, skal dei ikkje frykte for refs frå boklækjaren. Eit døme på at Hamsun fortener merksemd i desse lyse dagane, finn me i Pan: «Der begyndte at blive ingen Nat, Solen dukked saavidt Skiven ned i Havet og kom saa op igen, rød, fornyet, som om den havde været nede og drukket.»
Laurits Killingbergtrø leita fram løysinga også denne gongen. Han skriv: «Takk for ny oppgåve, som for meg vart litt arbeidsam. Tekstklippet er frå ein nynorsk roman som kom i 2022, og da kunne det gått opp eit lys med det same. Men ikkje for meg, så eg tok i bruk tipset om at forfattaren er fødd eit år da det var ein nobelprisvinnar som skreiv på spansk. Der plukka eg ut årstala 1967, 1971, 1982 og 1989 som mest aktuelle. Men her var ikkje Wikipedia til noka hjelp med sitt ‘Litteraturåret (det og det)‘. Derimot var det nettstaden Oria som gav meg løysinga. Søk med kombinasjonen ‘roman nynorsk 2022 1982’ gav tre tilslag, men einast Ingelin Westeren hadde eit godteke fødselsår (1982). Boka hennar frå 2022 har tittelen Musikk for folk i trøbbel. Den boka fann eg, heldige byborgaren, på nærbiblioteket og fekk stadfesta sitat på rett side. Alle suter sløkte? Tja, berre det at no vart det å pløye seg gjennom 281 sider på jakt etter to kattepusar. Da kunne det vere lett å misse tråden når ein samstundes vart fengd av forteljinga til eg-personen Ida. Sjølv for ein høgaldra trønder var det interessant å få innblikk i det ungjentemiljøet i Oslo som ho skildrar. Men Ida har det slett ikkje lett og strir med personlege problem og usikker økonomi. Så var det kattane. Rufus blir vi kjende med alt på side 9, der han blir med familien når dei flyttar. Den andre, Tomine, oppdaga eg ikkje før på side 137, der ho blir sjuk og lyt til dyrlækjar. Har eg no løyst gåta, må tru? Ingelin Westeren er fødd i Møsstrond. Ho er ein ny og spennande forfattar som skriv god nynorsk, og vi ventar på framhaldet.»
Oddny Espeland Ystanes skriv: «Så fint at Medikus Libri denne veka har funne fram ei bok som eg har lese dette året! Eg fekk boka til jol i 2022. Forfattaren er Ingelin Westeren, ho er fødd i 1982, og det året fekk den colombianske forfattaren Gabriel Garcia Márquez Nobelprisen i litteratur. Tittelen på verket er Musikk for folk i trøbbel.»
Nina Korbu skriv: «Dette er så moro! Jeg gleder meg til hver fredag morgen nå, og en ny litterær nøtt i Klok på bok.»
Med eller utan trøbbel kom desse folka fram til rett svar på oppgåve 1582: John Olav Johnsen, Signar Myrvang, Eli Winjum, Ragnhild Eggen, Skeisebibliotekaren i LASK, Ingebjørg Sogge, Paul Henrik Hage, Jorunn Øxnevad Lie, Vigdis Hegna Myrvang, Inger Anne Hammervoll, Laurits Killingbergtrø, Else Gjesdahl Sørensen, Eli Hegna, Jan Alfred Sørensen, Kjell Helge Moe, Ole Husby, Gunder Runde, John Dag Hutchison, Gunnar Bæra, Nils Farstad, Per Trygve Karstensen, Inger Margrethe Berge, Inge Strand, Bjørn Myrvang, Lise Haaland, Reidar Birkeland, Audun Gjengedal, Sigrun Gjengedal Ruud, Oddny Espeland Ystanes, Thana Rongen, Bjørn Ole Bjørnsen, Gunnlaug og Tor Inge på Gullhaugen, Olav Holten, Jorunn Røyset, Camilla Høvik, Nina Korbu, Eirik Holten, Gunnar Eide, Torleik Stegane, Sissel Gunnarshaug, Sjur Joakim Fretheim, Robert Øfsti og Ole G. Evensen.
I dag skal me til Øygarden kommune for å finne bokvinnaren. Ho heiter Inger Margrethe Berge. Gratulerer!
Klok på bok 1584
Det er bare det at jeg ikke har hellet med meg lenger. Men hvem vet? Kanskje i dag. Hver dag er en ny dag. Det er bedre å ha hellet med seg enn ikke å ha det. Men jeg foretrekker å være nøyaktig. For når lykken da er der, så er man forberedt.
Sitatet er frå s. 31 i boklækjarutgåva. Boka kom ut på norsk same året som ho kom ut på originalspråket. Me skal fram til ein nobel forfattar som sette Knut Hamsun høgt. I boka får me høyre om ein gut som er hovudpersonens trufaste følgjesvein og lærling. Før eg godkjenner svaret, vil eg vete namnet på denne lærlingen. Send namn på lærling, namn på forfattar og tittel på verk til klok@dagogtid.no. Svarfristen er til og med 1. juli.
Medikus Libri
Fleire artiklar
Christian Treutmann-orgelet frå 1737 i stiftskyrkja St. Georg i Grauhof.
Foto via Wikimedia Commons
Monumental pedal
Masaaki Suzukis frasering gjev rom for smertelege dissonansar.
Trålar utanfor Måløy sentrum.
Foto: Gorm Kallestad / NTB
Barents blues, også et flytende samfunn
Min tiårige til-og-fra-periode i den tøffe trålbobla har preget meg nokså sterkt.
Ludmila Shabelnyk syner bilete av sonen Ivan i landsbyen Kapitolivka ved Izium i Ukraina, 25. september 2022. Russiske okkupasjonsstyrkar mishandla Ivan grovt før dei drap han. Landsbyen vart seinare gjenerobra av ukrainske styrkar.
Foto: Evgeniy Maloletka / AP / NTB
Overgrep som skakar folkeretten
Okkupasjonsmakta Russland viser ingen respekt for konvensjonen som skal verne sivile i krig.
Det oppstår misvisande biletet av at covid-19 forårsakar Alzheimer, meiner Preben Aavitsland ve FHI.
Foto: Erik Johansen / NTB
Meir om seinfølgjer
Den årlege rapporten FHI har publisert, syner at dødeligheita blant personar under 40 år har vore nokså stabil sidan 2015.
Salman Rushdie har skrive 15 romanar. Den siste boka handlar om knivåtaket på han i 2022.
Foto: Rachel Eliza Griffiths
Ein takk til livet
Salman Rushdie nyttar språket som terapi.