I sumartida fyrer me ofte opp grillen. Mykje god kan få ein omgang med skikkeleg varme. Eigentleg er det berre kreativiteten som set grenser for gode saker på open varme i denne årstida. Innsida har ei enkel liste til inspirasjon:

1. Sumarkål smakar nydeleg grilla, gjerne med godt smør og nokre grilla skiver spekeskinke.

2. Makrell er sunn og god sumarmat. Sesongen er her no. Makrellen har som kjent kome.

3. Gode pølser. Innsida oppmodar pølseelskarar om å velja ekte pølser frå gode pølsemakarar. Då kan pølser verta eit festmåltid. Gode lomper høyrer til.

4. Svinenakke er utruleg smakfullt. Det kan vera kjekt å variera frå filetar. Svinenakke har fin marmorering og smakar meir.

5. Blåskjel kan ein fint grilla, enten i folie eller rett på grillen. Då får dei ein fin røyksmak òg.

6. Rå reker. Dersom du får tak i rå reker, kan du grilla dei på ei rist, slik at dei ikkje dett ned i grillkola.

7. Gamalt brød som er pensla med olivenolje og strødd med hakka kvitlauk. Berekraftige god saker.

8. Svineribbe er godt om sumaren òg. Men det kan kanskje vera godt med litt anna marinering enn i jola. Prøve gjerne med anis, chili og koriander. Grilla svor er godt heile året.

9. Sitron som er grilla, er nydeleg til grilla fisk.

10. Kongekrabbe, helst rå. Litt dyrt, men du kan legga beina rett på grillen utan noko meir arbeid.