Det var ein gong ei skapmus som kom over åtte mus – ei spissmus, ei klatremus, ei husmus, ei snømus, ei skogmus, ei markmus og to flaggermus – som sat og musa.

– Kva er det de musar om? spurde skapmusa.

– Jo, sa spissmusa. – Eg har ei fotballmuse. Det meiner eg alle skal ha.

– Eg meiner alle skal ha ei fjellmuse, sa klatremusa.

– Eg skulle gjerne hatt ei arkitektur- og interiørmuse, sa husmusa.

– Eg trur ikkje på muser, sa skogmusa.

– Derfor er du musa vår, sa flaggermusene.

– Eg vil heller ha humus, sa skogmusa.

– Eg liker hummus, sa snømusa. – Så kanskje eg skulle hatt ei tyrkisk muse. Ei med musklar og musketer.

– Du, då, markmus? spurde skapmusa. – Har du ei muse?

– Nei, sa markmusa irritert.

– Ikkje bli så sur, mus, sa husmusa.

– Eg er ikkje sur på deg, sukka markmusa. – Eg har lemus ein eller annan stad i muskulaturen.