🎧 Noko å gle seg til i 2020?
Lytt til artikkelen:
Eit nytt år, eit nytt tiår, har bretta seg ut for oss. I slike høve er det naturleg å sjå framover og freista finna ut kva det er som ventar oss. Spådomar om alt som kan gå dårleg, ligg det ikkje til Innsida å ta seg av. Det er nok av stader du finn det. Her skal me tvert om trekka fram det som skal få det til å brusa litt i hovudet ditt. Hendingar me kan gle oss over i det året som akkurat har byrja.
Nokre sportslege høgdepunkt vert det alltid: Skiskyttarar og skeiselauparar har VM minst kvart år, skeisefolket har fleire, medan sumaridrotten kan gle seg til OL i Tokyo. Det kjem til å verta ein milepåle, sidan det framover ikkje vert særleg mange olympiske leikar i demokratiske land.
Landskappleiken er òg ei årleg glede, saman med VM i krabbefiske i Sandnessjøen.
Me kan forventa oss ei ny plate av Bjørn Eidsvåg og Åge Aleksandersen og ei bok eller to av Jo Nesbø og Edvard Hoem, vil me tru.
Norsk film surfar på ei suksessbylgje etter filmar som Bølgen, Skjelvet og no sist Tunnelen.
Det er spanande oppfølgjarar på gang. Ferja, etter eit manus av Joar Tungtvatnsbråten, er eit skremmande drama der ferja mellom Vestnes og Molde forsvinn i ein malstraum i eit slags bermudatriangel i Romsdalsfjorden, med heile skulemusikken frå Tomrefjorden om bord. Ein skikkeleg grøssar, med andre ord.
Stalheimskleiva er tufta på skremmande hendingar i kvardagen, som i Tunnelen. Tre store bussar står bom fast etter to ras i Stalheimskleiva: éin full av ungar, éin med tyske pensjonistar og éin med heile fylkesutvalet for samferdsel. Det knakar og buldrar i fjellet og den øvste bussen byrjar å skli sakte, sakte mot dei to andre. Kven kan berga dei?
Fæle greier. Då er det meir kammerspel i mordgåta Lefsa, som går føre seg i bakstmiljøet i Telemark. Det er stor prestisje fram mot Dyrsku’n. Nokon har stole ei oppskrift, og ein etter ein forsvinn bakstekonene. Det heile toppar seg med tore og lyn ei mørk novembernatt på Dalen Hotel, dagen før krinsmeisterskapen i potetlefser.
Året kjem òg med eit flott knippe jubileum: Bergen vert 950 år, det er hundre år sidan Fønhus gav ut Det skriker fra Kverrvilljuvet.
Kommuneingeniørforeininga fyller 90, byen Moss vert 300 år, Kjell Aukrust ville ha vore 100 år, og det er berre eitt år att før ein kan feira 100-årsjubileum for den fyrste planen for Ringeriksbanen.
Det vert naturlegvis biografiar òg. Me ventar i spaning på at Atle Bjørkviknes skal verta ferdig med biografien om Åge Hareides tidlege år. Arbeidstittel er Englandsdraumen – bind 1 og skal visst handla om tida i Manchester City og fyrste del av opphaldet i Norwich, der han mellom anna mista ein del tenner i duell med tøffe Andy Gray.
Utover desse viktige hendingane kjem året til å by på eit knippe små triveleg hendingar, som ny rasteplass (endeleg, seier bygdefolket) ved Stolpagjelet i Eksingedalen, vossameisterskapen i jolaøl, jubileumshelg med Kølla & The Tommentotts på Brakanes, Siderfestivalen, Sildajazz og Nordkynfestivalen, og så kjem Bellamy Brothers til Koparvik i juni.
Mykje å sjå fram imot, med andre ord.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Lytt til artikkelen:
Eit nytt år, eit nytt tiår, har bretta seg ut for oss. I slike høve er det naturleg å sjå framover og freista finna ut kva det er som ventar oss. Spådomar om alt som kan gå dårleg, ligg det ikkje til Innsida å ta seg av. Det er nok av stader du finn det. Her skal me tvert om trekka fram det som skal få det til å brusa litt i hovudet ditt. Hendingar me kan gle oss over i det året som akkurat har byrja.
Nokre sportslege høgdepunkt vert det alltid: Skiskyttarar og skeiselauparar har VM minst kvart år, skeisefolket har fleire, medan sumaridrotten kan gle seg til OL i Tokyo. Det kjem til å verta ein milepåle, sidan det framover ikkje vert særleg mange olympiske leikar i demokratiske land.
Landskappleiken er òg ei årleg glede, saman med VM i krabbefiske i Sandnessjøen.
Me kan forventa oss ei ny plate av Bjørn Eidsvåg og Åge Aleksandersen og ei bok eller to av Jo Nesbø og Edvard Hoem, vil me tru.
Norsk film surfar på ei suksessbylgje etter filmar som Bølgen, Skjelvet og no sist Tunnelen.
Det er spanande oppfølgjarar på gang. Ferja, etter eit manus av Joar Tungtvatnsbråten, er eit skremmande drama der ferja mellom Vestnes og Molde forsvinn i ein malstraum i eit slags bermudatriangel i Romsdalsfjorden, med heile skulemusikken frå Tomrefjorden om bord. Ein skikkeleg grøssar, med andre ord.
Stalheimskleiva er tufta på skremmande hendingar i kvardagen, som i Tunnelen. Tre store bussar står bom fast etter to ras i Stalheimskleiva: éin full av ungar, éin med tyske pensjonistar og éin med heile fylkesutvalet for samferdsel. Det knakar og buldrar i fjellet og den øvste bussen byrjar å skli sakte, sakte mot dei to andre. Kven kan berga dei?
Fæle greier. Då er det meir kammerspel i mordgåta Lefsa, som går føre seg i bakstmiljøet i Telemark. Det er stor prestisje fram mot Dyrsku’n. Nokon har stole ei oppskrift, og ein etter ein forsvinn bakstekonene. Det heile toppar seg med tore og lyn ei mørk novembernatt på Dalen Hotel, dagen før krinsmeisterskapen i potetlefser.
Året kjem òg med eit flott knippe jubileum: Bergen vert 950 år, det er hundre år sidan Fønhus gav ut Det skriker fra Kverrvilljuvet.
Kommuneingeniørforeininga fyller 90, byen Moss vert 300 år, Kjell Aukrust ville ha vore 100 år, og det er berre eitt år att før ein kan feira 100-årsjubileum for den fyrste planen for Ringeriksbanen.
Det vert naturlegvis biografiar òg. Me ventar i spaning på at Atle Bjørkviknes skal verta ferdig med biografien om Åge Hareides tidlege år. Arbeidstittel er Englandsdraumen – bind 1 og skal visst handla om tida i Manchester City og fyrste del av opphaldet i Norwich, der han mellom anna mista ein del tenner i duell med tøffe Andy Gray.
Utover desse viktige hendingane kjem året til å by på eit knippe små triveleg hendingar, som ny rasteplass (endeleg, seier bygdefolket) ved Stolpagjelet i Eksingedalen, vossameisterskapen i jolaøl, jubileumshelg med Kølla & The Tommentotts på Brakanes, Siderfestivalen, Sildajazz og Nordkynfestivalen, og så kjem Bellamy Brothers til Koparvik i juni.
Mykje å sjå fram imot, med andre ord.
Fleire artiklar
Det oppstår misvisande biletet av at covid-19 forårsakar Alzheimer, meiner Preben Aavitsland ve FHI.
Foto: Erik Johansen / NTB
Meir om seinfølgjer
Den årlege rapporten FHI har publisert, syner at dødeligheita blant personar under 40 år har vore nokså stabil sidan 2015.
Gukesh kan verta den klart yngste verdsmeisteren i historia. Carlsen var nesten fem år eldre då han vann kandidatturneringa og vart verdsmeister i 2013.
Foto: Maria Jemeljanova / Fide
«Sjølv har eg heller aldri sett ein så mogen 17-åring, korkje på eller utanfor sjakkbrettet.»
Line Eldring har leidd utvalet som tilrår at Noreg både bør vidareføre og utvide samarbeidet med EU på nye område framover. Ho la nyleg fram utgreiinga «Norge og EØS: Utviklinger og erfaringer» for utanriksminister Espen Barth Eide.
Foto: Terje Pedersen / NTB
Veksande fjernstyre
Tilknytinga vår til EU veks og veks, både gjennom EØS-avtalen og utanfor, ifølgje ei ny utgreiing. Og det er få som kjenner heilskapen.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Ludmila Shabelnyk syner bilete av sonen Ivan i landsbyen Kapitolivka ved Izium i Ukraina, 25. september 2022. Russiske okkupasjonsstyrkar mishandla Ivan grovt før dei drap han. Landsbyen vart seinare gjenerobra av ukrainske styrkar.
Foto: Evgeniy Maloletka / AP / NTB
Overgrep som skakar folkeretten
Okkupasjonsmakta Russland viser ingen respekt for konvensjonen som skal verne sivile i krig.