Teknologi
Full brems
Boing 737 har Fowler-flaps. Han flyttar seg fyrst bakover for å auka vengjearealet, så nedover for å auka lyftet. Ved fullt utslag sørgjer flapsen også for meir luftmotstand når flyet landar. Over den todelte flapsen ser ein spoilerar som også vert brukte for å gje luftmotstand.
Frå sete 9A ser eg verda delt i to. Det er dei som sit ved glaset og tek det vedunderlege ved å flyga innover seg, og så er det dei som sit ved midtgangen og tek alt for gitt. Eg elskar å flyga. CO2-rekneskapen min er ikkje vakker, men det har vore mykje meir enn rein transport. Kvart minutt i lufta har vore fylt med euforisk glede. Frå start til stopp er det ei kjenslereise.
Eg sit med kaffikoppen og ser på skyer og landskap. Når det er overskya, prøver eg å gissa kvar me er når det vert eit hòl i skydekket. Eg har lært meir geografi frå 7000 meters høgd enn av noka lærebok.
Flyging er òg eit studium i meteorologi. Ein lærer mykje av å sjå regnbyer og stormar på nært hald, og korleis skyer vert danna. Ja, sjølv ein opprivande turbulens er eit grunnkurs i ustabile luftmassar.
Eg ser at kvinna i 9B er nervøs. Skal eg prøva med spøken om at me alle kjem ned til slutt? I staden seier eg at det av ein eller annan grunn alltid er fint vêr her oppe når eg flyr. Ho ler. Så kjem det ho er engsteleg for.
– Korleis er det mogleg å bremsa dette flyet som har så stor fart?
– Du seier noko. Marsjfarten til denne Boeing 737-maskinen er om lag 900 km/t. Når me landar, er farten 250 km/t, og så skal flyet bremsa heilt ned på rullebanen.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
