Måndag 6. november fyller den legendariske og munnrappe skeiselauparen Knut Johannesen 90 år. Dag og Tid vil hylla han med eit dikt som Olav H. Hauge skreiv til eit av dei mest kjende laupa hans, under vinterolympiaden i Squaw Valley i USA i 1960, der Johannesen sette verdsrekord på mila og tok gull med tida 15.46,6.

Kuppern skrid i Squaw Valley

Eg har òg teki premi på skeisor, eg vart

nummer fire i eit skulerenn

då eg var åtte, etter han Leiv.

Men dei hine hadde stålsette skeisor,

og eg berre jarn.

Eg hadde kjøpt mine hjå urmakaren,

eg tok dei som hadde

største snablane.

Men no skrid Kupper’n i Squaw Valley!

Eg har ikkje tenkt å gå nokon 10 000 m.,

men ordi fær ein djervare sving,

og ho mor grip fastare

um staven.

Olav H. Hauge

Frå samlinga På ørnetuva, Noregs Boklag, Oslo 1961.