Fritid i bananform
No er hengekøye eit fritidsprodukt. Yngve Hågensen slappar av i bananform ein sommardag i 1996.
Foto: Bjørn Sigurdsøn / NTB
Sport før og no
Sport før og no
Å sove i hengekøye er i vinden. Eller er det kanskje alt på veg ut? Det er i alle fall ikkje noko nytt. Sjølvsagt var det Kristoffer Columbus som oppdaga hengekøya, i Karibia på 1400-talet. I hengekøya kunne dei sove på luftig vis utan å bli drepne av rovdyr. Blei det for kaldt, tende dei bål under køya.
Historisk har hengekøya blitt brukt som senger på skip, og faktisk i fengsel. Genialt fordi ein slik kunne få fleire fangar inn på kvart rom, ikkje så smart då dei innsette fann ut at dei kunne bruke opphenget til våpen.
På båt er hengekøye lurt. Slik ramlar du ikkje ut av køya i dei store bølgene. Bilete er frå 1941.
Foto. George Silk / Wikimedia Commons
Skilnaden då og no er at soving i hengekøye no ikkje skjer fordi ein må, men på fritida, fordi ein har lyst. Eg kjenner både ungdomsgjengar, kunstnarar og fritidstypar som reiser ut i skogen med køya for å kjenne på fred, eller fest. Opplegget er profesjonelt: Inne i køya har dei eit liggeunderlag slik at kroppen ikkje endar opp i bananform i løpet av natta, og viss det regnar, er det berre å rulle ut taket til dei blir ei slags sommarfuglpuppe.
Hengekøye kan også vere ein plan B no når prisane på bustader tek av. Ein treng ikkje flytte ut i skogen, men dersom ein familie i ei lita leilegheit innanfor ring 3 i Oslo får besøk av storfamilien, kan hengekøyer vere ei løysing. Ein kan sove i høgda, og når natt blir til dag, er det berre å fjerne køyene, og rommet kan brukast til konfirmasjon.
Maren Bø
Maren Bø er frilansskribent og idrettspedagog.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Å sove i hengekøye er i vinden. Eller er det kanskje alt på veg ut? Det er i alle fall ikkje noko nytt. Sjølvsagt var det Kristoffer Columbus som oppdaga hengekøya, i Karibia på 1400-talet. I hengekøya kunne dei sove på luftig vis utan å bli drepne av rovdyr. Blei det for kaldt, tende dei bål under køya.
Historisk har hengekøya blitt brukt som senger på skip, og faktisk i fengsel. Genialt fordi ein slik kunne få fleire fangar inn på kvart rom, ikkje så smart då dei innsette fann ut at dei kunne bruke opphenget til våpen.
På båt er hengekøye lurt. Slik ramlar du ikkje ut av køya i dei store bølgene. Bilete er frå 1941.
Foto. George Silk / Wikimedia Commons
Skilnaden då og no er at soving i hengekøye no ikkje skjer fordi ein må, men på fritida, fordi ein har lyst. Eg kjenner både ungdomsgjengar, kunstnarar og fritidstypar som reiser ut i skogen med køya for å kjenne på fred, eller fest. Opplegget er profesjonelt: Inne i køya har dei eit liggeunderlag slik at kroppen ikkje endar opp i bananform i løpet av natta, og viss det regnar, er det berre å rulle ut taket til dei blir ei slags sommarfuglpuppe.
Hengekøye kan også vere ein plan B no når prisane på bustader tek av. Ein treng ikkje flytte ut i skogen, men dersom ein familie i ei lita leilegheit innanfor ring 3 i Oslo får besøk av storfamilien, kan hengekøyer vere ei løysing. Ein kan sove i høgda, og når natt blir til dag, er det berre å fjerne køyene, og rommet kan brukast til konfirmasjon.
Maren Bø
Maren Bø er frilansskribent og idrettspedagog.
Fleire artiklar
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Den norske fiskeflåten er mangfaldig. Her er ringnotfartøy ved kai i Egersund våren 2017.
Foto: Per Anders Todal
Fiskar er fiskar verst
Striden om kvotemeldinga kan få Fiskarlaget til å rivne.
Mannsutvalet saman med kultur- og likestillingsminister Lubna Jaffery under overrekkinga av rapporten.
Foto: Ole Berg-Rusten
Vil avlive likestillingsmytar
Forskar Mari Teigen ønskjer seg ein kjønnsdebatt bygd på kunnskap.
Statsministeren i Storbritannia, Rishi Sunak, har varsla at dei fyrste flya mot Rwanda skal vere i lufta løpet av ti til tolv veker.
Foto: Toby Melville / Reuters / NTB
Vil nytte Rwanda
som asylskremsel
Den som prøver å ta seg til Storbritannia med båt over Den engelske kanalen for å søkje asyl, risikerer i framtida å verte sett på eit fly til Rwanda utan høve til å returnere.