Effektive og mindre nyttige maskinar
Booty Builderen kom då stor rumpe vart på moten. At Kardashians kjøpte maskinen, gjorde han ikkje mindre populær.
Foto: Evan Agostini / AP / NTB
Sport før og no
Sport før og no
Det finst enormt med treningsmaskinar. Nokre laga til så små musklar at dei er nærast ubrukelege på eit vanleg treningsstudio. For noko ein lærer tideleg på idrettsfag, er at det gjeld å aktivisere dei store muskelgruppene dersom ein vil ha ei effektiv økt. Viss ein er frisk og ikkje driv med rehabilitering, er maskinar som låser av ledd og ikkje krev noka form for stabilisering eller energibruk, ikkje noko å satse på.
Ei interessant norsk oppfinning som har blitt verdskjend dei siste åra, er Booty Builderen til Håkon Larsen. Maskinen går ut på at du vippar hofta opp og ned mens du har eit belte på deg som gjev motstand. Fordelen med maskinen er at du kan legge på meir vekt enn dersom du skulle gjort øvinga manuelt, og treninga blir difor meir effektiv. Og den vidare fordelen er større rumpe.
1800-talets svar på Booty Builderen finst ikkje, sjølv om den svenske legen Gustav Zander den gong fann opp heile 60 ulike treningsmaskinar. Det er ikkje så lett å sjå ut frå bileta kva slags effekt alle dei rare konstruksjonane med lêrreimer og tannhjul skal gi, men utgangspunktet for oppfinningane var rehabiliteringa av skadar.
Interessant er det at nokre av maskinane til Zander gjekk på drivstoff. Ein personleg trenar (PT) i dag ville ikkje tilrådd å trene på bensin, han ville nok òg unngått dei mest tekniske maskinane. Sjansen er stor for at han ville bede deg fokusere på dei store muskelgruppene og tilrådd deg øvingar som knebøy, utfall og markløft. Dette er òg øvingar som kan gjerast berre med ein stein i hagen, men det ville nok ikkje PT-en fortalt deg.
Maren Bø
Maren Bø er idrettspedagog og frilansskribent.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Det finst enormt med treningsmaskinar. Nokre laga til så små musklar at dei er nærast ubrukelege på eit vanleg treningsstudio. For noko ein lærer tideleg på idrettsfag, er at det gjeld å aktivisere dei store muskelgruppene dersom ein vil ha ei effektiv økt. Viss ein er frisk og ikkje driv med rehabilitering, er maskinar som låser av ledd og ikkje krev noka form for stabilisering eller energibruk, ikkje noko å satse på.
Ei interessant norsk oppfinning som har blitt verdskjend dei siste åra, er Booty Builderen til Håkon Larsen. Maskinen går ut på at du vippar hofta opp og ned mens du har eit belte på deg som gjev motstand. Fordelen med maskinen er at du kan legge på meir vekt enn dersom du skulle gjort øvinga manuelt, og treninga blir difor meir effektiv. Og den vidare fordelen er større rumpe.
1800-talets svar på Booty Builderen finst ikkje, sjølv om den svenske legen Gustav Zander den gong fann opp heile 60 ulike treningsmaskinar. Det er ikkje så lett å sjå ut frå bileta kva slags effekt alle dei rare konstruksjonane med lêrreimer og tannhjul skal gi, men utgangspunktet for oppfinningane var rehabiliteringa av skadar.
Interessant er det at nokre av maskinane til Zander gjekk på drivstoff. Ein personleg trenar (PT) i dag ville ikkje tilrådd å trene på bensin, han ville nok òg unngått dei mest tekniske maskinane. Sjansen er stor for at han ville bede deg fokusere på dei store muskelgruppene og tilrådd deg øvingar som knebøy, utfall og markløft. Dette er òg øvingar som kan gjerast berre med ein stein i hagen, men det ville nok ikkje PT-en fortalt deg.
Maren Bø
Maren Bø er idrettspedagog og frilansskribent.
Fleire artiklar
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Den norske fiskeflåten er mangfaldig. Her er ringnotfartøy ved kai i Egersund våren 2017.
Foto: Per Anders Todal
Fiskar er fiskar verst
Striden om kvotemeldinga kan få Fiskarlaget til å rivne.
Mannsutvalet saman med kultur- og likestillingsminister Lubna Jaffery under overrekkinga av rapporten.
Foto: Ole Berg-Rusten
Vil avlive likestillingsmytar
Forskar Mari Teigen ønskjer seg ein kjønnsdebatt bygd på kunnskap.
Statsministeren i Storbritannia, Rishi Sunak, har varsla at dei fyrste flya mot Rwanda skal vere i lufta løpet av ti til tolv veker.
Foto: Toby Melville / Reuters / NTB
Vil nytte Rwanda
som asylskremsel
Den som prøver å ta seg til Storbritannia med båt over Den engelske kanalen for å søkje asyl, risikerer i framtida å verte sett på eit fly til Rwanda utan høve til å returnere.