Historie
Singerheimen kan bli museum
Singerheimen rommar ei unik historie om ein amerikansk industriarving og kunstnar som slo seg ned i Olden og vart ein velgjerar i Nordfjord. No ynskjer Riksantikvaren å opne fredingssak for eigedomen.
Inst i Nordfjord, i Olden, bygde ekteparet Singer opp heim og eigedom. Fylkeskommunen meiner at Singerheimen som museum kan bli ein stor attraksjon i turistbygda. I dag har Olden over 100 cruiseanløp i løpet av ein sesong, nesten like mange som Oslo. Midt på bildet er hovudhus og fjøs, på tunet er hus for tenarane, til høgre vedhus og gjestebungalow. Lengst nede til venstre er atelieret, og ved sida av er det vesle mausoleet der ekteparet kviler.
Foto: Marianne Sunde
Inst i Nordfjord, rett ved Olden sentrum, var det ein gong ei moderne utgåve av dei klassiske herregardane, med herskap og tenarar. Framleis står der sju store og små lysegrøne hus. Dette er Dalheim, i bygda kalla Singerheimen. Her er stor herskapsvilla, tenarbustad, kafé – der tenarane åt – og stabbur, fjøs, vedhus og ein bungalow for gjester. Lengst nede på eigedomen ligg to kvite hus, atelieret og det vesle mausoleet.
I mausoleet kviler William Henry Singer jr. (1868–1943) og hustrua hans, Anna Spencer Brugh Singer (1873–1962).
William Henry Singer jr. var son til ein stålmagnat i Pittsburgh i Pennsylvania. Han hadde kunstnarlege evner og anlegg, var ein naturelskar og hadde ikkje interesse av å gå inn i stålindustrien. Han gifte seg med Anna Spencer Brugh, som kom frå ein velståande kjøpmannsfamilie.
Dei fekk ein norsk ven frå Gausdal, Martin Borgord (endra frå norsk Borgaard), som vart ein stor kunstnar i Amerika. Etter ei tid med kunststudium saman, reiste dei til Europa. Dei kom etter kvart til Paris, der Singer og Borgord studerte vidare. At Singer no kunne satse alt på kunsten, var den største gleda han hadde opplevd. Han trong ikkje uroe seg for økonomien, arven etter faren var på fleire titals millionar dollar.
Dei tre venene slo seg etter kvart ned i ein kunstnarkoloni i Laren i Nederland, der ekteparet Singer bygde hus. Men det flate nederlandske landskapet gav ikkje Singer det han var ute etter som kunstnar. Borgord meinte at Singer burde reise til Noreg. Der ville han finne den naturen han søkte.
Første gong dei kom til Noreg, tok dei inn på Hindsæter. Singer vart bergtatt av den norske naturen. Han måla, fiska aure og jakta på småvilt.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
