Den draumen eg ber på
Meksikansk barbacoa med storfekjøt.
Foto: Mia / AP / Scanpix
Somme vil kanskje meine at eg skriv vel mykje om utanlandske mattradisjonar i denne spalta. Eg vil straks ile til og seie at eg har stor respekt for den norske tradisjonsmaten. Eg er vaksen opp med norsk husmannskost og elskar han. Norsk mat har aldri hatt så høg kvalitet som no. Vi har vunne oste-VM fleire gonger, vi har ein utruleg rik fangst frå havet, både når det gjeld villfisk og skaldyr. Vi har rein, hjort og elg. Norsk kjøt og særleg lam er i verdsklasse både i smak og dyrevelferd. Vi har fleire av dei beste kokkane i verda. Grønsaker i sesong er også strålande her i landet, særleg dei som ikkje treng mykje sol.
Fascinasjonen for søreuropeisk mat byrja nok då eg i ungdomen tok tog til Spania og oppdaga kva ein kunne finne på marknaden der. Dei tomatane. Herrefred! Eg trudde ikkje det var mogleg. Men altså – utan sol blir ikkje tomatane dei same.
Derfor har eg ein draum om at vi her heime kan bli betre til å foredle dei fyrsteklasses råvarene vi har. Eg ynskjer meg ein mykje større kreativitet.
Dette er ein draum som blei aktualisert ytterlegare då eg fekk gleda av å sjå den storslagne nye dokumentarserien Tacohistorier på Netflix. Meksikanarane elskar verkeleg tacoen sin, det er på grensa til religion, og variasjonane mellom dei einskilde regionane er enorm. Det mest unike er korleis somme steikjer kjøt med metoden barbacoa, som omsett tyder noko så enkelt som grill.
Oppstykka kjøt blir lagt i ei stor vedfyrt grop, dekt av store agaveblad, som dei dekkjer til over natta. Når gropa vert opna om morgonen, står folk i kø for å ete taco eller ta med seg kjøt heim. Tenk mørt, langkokt kjøt, opphakka og saftig med delar frå heile dyret: lår, slagside, bog, nakke, det heile. Herleg!
Men her et nordmenn den same evinnelege tacoen kvar bidige gong. Kjøtdeig er ikkje spesielt dristig. Det industrialiserte tacobyggjesettet som er salsvinnar her, ville fått ein meksikanar til å bryte ut i latter, eller krampegråt. Korleis kom vi dit?
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
