Dogens musikantar

Una Serata Venexiana (ein venetiansk aftan), kallar det tyske tidlegmusikkensemblet Capella de la Torre det nye albumet sitt, der dei med 23 einskildstykke frå fyrste helvta av 1600-talet freistar å fortelja ei historie om blåsarar og styrkarar som tevlar mot kvarandre musikalsk.

Heilt overtydande er ikkje dette narrativet, for ein må lesa seg kraftig opp i omslagsteksten for å fatta det. Men så er det i grunnen ikkje viktig heller – albumet er avvekslingsrikt instrumentert og gjev oss eit levande bilete av kva bymusikantane til dogen (statsoverhovudet) av Venezia spelte i overgangen frå renessansen til barokken, i tida då instrumentalmusikken utvikla seg til ein eigen sjanger ved sida av vokalmusikken.