Kva matvare?

5 POENG: Denne matvara har eit namn frå tyrkisk og kom til Noreg i 1950-åra. Ho vert produsert med ei blanding av Streptococcus termophilus og Lactobacillus delbrueckii bulgaricus. Du får bra med til dømes protein, kalsium, jod og vitamin B12.

4 POENG: Ein lagar matvara ved å homogenisere, høgpasteurisere og deretter syrne med dei to nemnde bakteriane. Dei fleste barn likar henne.

3 POENG: To varemerke er Danonino og Yoplait. To bruksområde er siderettane raita og tzatziki.

2 POENG: Varianten gresk (…) er ultrafiltrert og difor tjukkare.

1 POENG: Tine har mange slike produkt, til dømes serien Go’morgen.

Kva Abba-song?

5 POENG: Det sjuande studioalbumet til Abba (1980) deler namn med denne songen. Anni-Frid Lyngstad har hovudvokalen, men Agnetha Fältskog er òg med. Ein skotsk by vert nemnd.

4 POENG: Tittelen er eit varemerke for spotlys. Abba har ni studioalbum: Ring Ring, Waterloo, ABBA, Arrival, The Album, Voulez-Vous, (…), The Visitors og Voyage.

3 POENG: Den første strofa opnar slik: «I was sick and tired of everything/ when I called you last night from Glasgow».

2 POENG: Tittelen er med i refrenget: «Tonight, the (…) lights are gonna find me».

1 POENG: Det første tittelordet er «Super». Det andre rimar.

Kva selskap?

5 POENG: Hans Wilsdorf og Alfred Davis grunnla dette selskapet i London i 1905. Det opphavlege namnet Wilsdorf and Davis er endra for lengst.

4 POENG: Selskapet er kjent for varemerket med same namn og har ei krone i logoen. Hans Wilsdorf grunnla òg søstermerket Tudor.

3 POENG: Selskapet flytta til Genève etter første verdskrigen. Det sponsar billøpet 24 Hours of Daytona, der vinnarane får modellen Daytona.

2 POENG: To andre kjende modellar er Oyster og Submariner. Nokon har spekulert i om merkenamnet kjem av horological excellence.

1 POENG: Somme varemerke vert synonyme med luksus. Det gjeld òg det mest vidgjetne klokkemerket frå Sveits.

Kva person?

5 POENG: 91-åringen som er fødd Mari Stefferud, er enkje etter denne mannen. Han skreiv rundt 50 bøker. To av dei er krimromanane Mannen med arret og Lik i tomt hus.

4 POENG: Den breie forfattarskapen omfatta òg mange humorbøker om norske smil. Forutan den mest kjende arbeidsplassen var han i Firdanytt, Norsk Barneblad, Vårt Land og Dag og Tid.

3 POENG: Han utgjorde eit radarpar i politisk journalistikk saman med Lars-Jacob Krogh.

2 POENG: Den folkekjære NRK-profilen hadde dialekt frå Sunnfjord og eit livslangt engasjement for nynorsken.

1 POENG: Bokstaven Ø er med tre gonger i namnet.

Svar:

Kva meieriprodukt: Yoghurt

Kva Abba-song: «Super Trouper»

Kva selskap: Rolex

Kva person: Herbjørn Sørebø (Enkja heiter Mari Stefferud Sørebø.)