Asylpolitikk
Tek til orde for nytt asylsystem
Tidlegare UDI-direktør vil skrote dagens system og avgrense asylretten til å gjelde i det fyrste tilstrekkeleg trygge landet migranten kjem til.
Godt over ein million flyktningar og migrantar kom i 2015 til Europa for å søkje asyl. Biletet syner syriske flyktningar på veg frå Hellas til Nord-Makedonia i august 2015. Foto: Boris Grdanoski / AP
Like før påske melde EUs grensebyrå Frontex at talet på migrantar som tok seg ulovleg over grensa til EU, hadde gått ned med 31 prosent i fyrste kvartal i år jamført med i fjor. Nedgangen var synleg langs alle dei store migrasjonsrutene inn til Europa og vart mellom anna forklart som eit resultat av meir aktive tiltak mot organiserte kriminelle smuglarnettverk.
Menneskerettsorganisasjonen Human Rights Watch ser også nedgangen i samanheng med EUs tiltak for å bremse migrasjonen og skuldar EU for å presse folk til å velje farlegare ruter til Europa.
Uansett forklaring er det ikkje nødvendigvis slik at nedgangen vert varig. Det seier Frode Forfang, tidlegare direktør for Utlendingsdirektoratet i Noreg.
Forfang har jobba med innvandring og asyl i til saman 26 år og har sett både store og mindre asyl- og flyktningkriser utspele seg rundt om i verda.
– Tala varierer og går litt opp og ned. No har dei gått litt ned, og det kom færre i 2024 enn i 2023, men det er framleis snakk om over ein million asylsøkjarar til Europa i både 2023 og 2024. Ser vi historisk på det, er talet svært høgt. Avskrekking og innstrammingar påverkar kor mange som kjem, men det løyser ikkje utfordringane i asylsystemet, seier han.
Ifølgje Forfang er det fyrst og fremst asylsystemet som er «verken bærekraftig eller logisk», ikkje måten det vert handtert på. Det skriv han i boka Asylparadokset, som kom ut denne veka.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
