Sukkerunge med sur bismakParlamentarisme på nynorsk: Fred er ei det beste, men at Carl I. Hagen noget vil.
Parlamentarisme på nynorsk: Fred er ei det beste, men at Carl I. Hagen noget vil.
Carl Ivar Hagen var stortingsmann i 31 år mellom 1974 og 2009. Framstegspartiet var utan representantar på Stortiget i perioden 1977–1981.
Foto: Cornelius Poppe / NTB scanpix
Carl Ivar Hagen hadde sitt 1968 som mislykka ingeniørstudent og leiande studentpolitikar i England. Der slost han drabeleg med retorikk og reglement mot dei dominerande trotskistane med frontfigurar som Tariq Ali og Jeremy Corbyn. Det gjorde han til svoren antisosialist og ekvilibrist i reglement og forretningsorden.
Hagen vende heim til Noreg som marknadsansvarleg i Tate & Lyle. I sine politiske erindringar skildrar han to julebord for sukkergrossistar, men skriv elles: «1971 var et år hvor intet spesielt hendte, bortsett fra at jeg skulle bli far.»
Situasjonen endra seg 8. april 1973. Då sat Hagen på galleriet på Saga kino og blei oppglødd av den karismatiske Anders Lange. Han var så ivrig at han hadde lese datoen feil og også møtt fram 1. april og lurte på om heile greia var ein spøk. Han melde seg straks inn i partiet og stilte seg til disposisjon. Lange hadde god bruk for den ivrige og strigla unge mannen utan fortid som «hundegutt». Han fekk straks posisjonar og merkelappen «sokkerongen min».
SPALTISTEN laga det første politiske portrettintervjuet i norsk presse med Carl I. Hagen i 1974. Då var han ein jublande fersk stortingsmann etter at Anders Lange døydde brått. Eg måtte vera samd med ein komitékollega på Stortinget som sa at det var utruleg kva den mannen ikkje visste. Men også i det han la til: «Kunnskapsløs, men gløgg, lærenem og hemningsløs.»
Sidan har eg følgt Hagen nøye og svært kritisk. Me har vore på kvar vår side i det meste, men me deler krigserfaringar andre ikkje har. Slikt fører til respekt for tapper innsats.
ELI ENGUM tilførte Hagen ein ny periferidimensjon då ho blei «elskerinne, sekretær og hustru». På kjøpet fekk han ei folkedjup svigermor på Dovre.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
