Meiner EU er dårleg budd
– Det er ikkje noka løysing å busetje alle som er råka av krigshandlingar i Syria, på varig basis i Europa, seier Grete Brochmann.
Tyrkiske soldatar dirigerer flyktningar og migrantar på ein av grenseovergangane mellom Tyrkia og Hellas tidlegare denne veka.
Foto: Marko Djurica / Reuters / NTB scanpix
Tyrkia vil ikkje lenger hindre migrantar og flyktningar i å reise inn i EU, og fleire tusen av dei 3,6 millionane migrantar og flyktningar i Tyrkia har dei siste dagane teke seg mot grensa til Hellas og Bulgaria.
Grete Brochmann er professor ved Institutt for sosiologi og samfunnsgeografi ved Universitetet i Oslo og har jobba med internasjonal migrasjon i ei årrekkje. Ho har leidd to utval om innvandring til Noreg.
– Kva bør dei europeiske landa gjere no?
– EU-medlemslanda har, fem år etter førre flyktningkrise, framleis ikkje har greidd å kome til semje om ei tilnærming som tek tak i dei grunnleggjande problema. Organisatorisk er Europa dermed ikkje betre skodd for å handtere ei flyktningkrise no enn i 2015. Men det er gjeninnført grensekontrollar over heile Europa, så kontrollaspektet er eit anna i dag enn den gong.
– Frontex sender grensevakter til Hellas for å hindre migrantane i å ta seg inn i EU. Kjem det noko ut av det anna enn nye flyktningleirar på grensa?
– Det er eit sterkt signal å fysisk stengje folk ute frå å søkje asyl. I tillegg seier EU-leiarane at dei som no står på grensa, ikkje kjem direkte frå krigsområde og såleis ikkje har det behovet for vern som skal til for å få asyl. Dei er ikkje i akutt fare på grunn av krigshandlingane i Syria. Også Erna Solberg har sagt det. Det er nok truleg rett. Samstundes har fleire av dei som kjem frå Syria, i utgangspunktet hatt eit klart vernebehov før dei hamna i Tyrkia. Og når det har gått litt lengre tid, kjem nye grupper til å klare å ta seg fram til grensa.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
