Pris til Morgen-
bladet-journalist

Håkon Gundersen i Morgenbladet har fått NTBs språkpris for 2016. Prisen går til journalistar som markerer seg med eit særleg godt språk. Prisen vart delt ut av Therese Manus frå Kommunikasjonsforeningen under Mediebedriftenes Landsforenings feiring av norske medium onsdag i førre veke. «En språklig mester som bruker hele språkets register», seier juryen om språkbruken hjå Gundersen.

Stuntpoetane
i aksjon att

Stuntpoetane var eit fenomen i 1980-åra. Dei kuppa offentlege tilstellingar og bygningar og kravde meir plass til poesien i radio og fjernsyn. Denne veka aksjonerte dei på nytt for fyrste gong på mange år, mot NRK, melder Dagsavisen. Dei aksjonerte mot at NRK P2s «Diktafon» skal leggjast ned. Det skjer på bakgrunn av at NRK Marienlyst går gjennom ein innsparingsprosess der årsverk blir kutta. Talsmannen for stuntpoetane, Torgeir Rebolledo Pedersen, kravde samtidig at NRK betalar forfattarar honorar for opplesingsoppdrag. Forfatterforeningen støttar aksjonen og etterlyser honoraravtale.

Frå HENNE
til Gyldendal

Forlagshusa går nye vegar. Cappelen Damm oppretta ein eigen redaksjon for kriminallitteratur for nokre år sidan. No har Gyldendal tilsett Laila Madsø i ei nyoppretta stilling som redaktør i Gyldendal Livsstil, som omfattar fagområda helse, mat og drikke. Madsø har jobba som journalist i avis og magasin, som redaksjonssjef i ELLE og sjefredaktør i HENNE. Dei siste åra har ho vore helsecoach og yogainstruktør, før ho no altså stig inn i bokbransjen.

ronny@dagogtid.no