Kommentar
Fyrst tek han Caracas, så Nuuk
Verda er i ferd med å sjå kva «America First»-politikken eigentleg inneber. For Danmark og Grønland er det dårleg nytt, men også for Europa og Noreg.
Teikning: May Linn Clement
Då Donald Trump heldt innsetjingstalen til den fyrste presidentperioden sin, den 20. januar 2017, forkynte han: «Frå og med denne augneblinken skal Amerika koma fyrst.»
Den gongen var det få som tok Trump på alvor. «America First» var eit slagord for valkamp og innsetjingstalar, trudde dei fleste.
Så spolar me fram til sist laurdag, om lag ni år etter at Trump heldt den fyrste innsetjingstalen sin: Nicolás Maduro blir kidnappa i si eiga seng i hovudstaden Caracas. Å bortføra ein utanlandsk statsleiar mens han ligg og søv, har knapt vore gjort tidlegare.
Grønland
Rett etter kom Trump med erklæringa som handla om noko heilt anna enn lagnaden til ein latinamerikansk tyrann: Trump sjølv og fleire av medarbeidarane hans fortalde at planane om å annektera Grønland langt ifrå var lagde bort. Om eit par månader kom han til å henta Grønland fram igjen frå skapet, fortalde Trump til amerikanske journalistar. Grønland og Maduro handla om den same saka, nemleg å gjera Amerika stort igjen.
Plutseleg fekk det Trump tidlegare har sagt om Grønland, verkeleg tyngd. Når ein kan bortføra ein diktator som styrer eit land med 30 millionar innbyggjarar, kvifor kan ein då ikkje ta over ei øy med mindre enn 60.000 menneske, spesielt når alt handlar om å setja Amerika – det vil seia USA – fyrst? Denne veka forstod verda at dette ikkje berre kan koma til å skje, men at det høgst sannsynleg vil skje.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
