Samtalen
Eit land der mange kjenner kvarandre
Det har aldri vore satsa skikkeleg på å førebygge korrupsjon i Noreg, seier Guro Slettemark i Transparency International.
Arbeidarpartileiar Thorbjørn Jagland blir gratulert av Terje Rød-Larsen på 50-årsdagen i Folkets Hus i Oslo år i november 2000. No blir båe etterforska for korrupsjon.
Foto: Lise Åserud / NTB
Epstein-skandalane rullar og går, og Økokrim skal etterforske tidlegare statsminister Thorbjørn Jagland og dei kjende diplomatane Mona Juul og Terje Rød-Larsen for korrupsjon.
Guro Slettemark er generalsekretær i Transparency International Norge (TI), ein organisasjon som arbeider for å førebygge korrupsjon.
– Du har som oppgåve å vere mistenksam, men hadde du sett for deg at skandalar som desse var moglege?
– Sjølvsagt er det mogleg. Vi har sett liknande saker i andre land. Det har til dømes vore store saker om korrupsjon i Europaparlamentet og i parlamentarikarforsamlinga til Europarådet. Men i Noreg går vi rundt og trur at det som skjer i andre land, ikkje kan skje hos oss.
– Er det nokon særtrekk ved UD-systemet og arbeid på internasjonale arenaer som opnar for korrupsjon?
– Det har vore mykje snakk om «alminneleg diplomatisk» arbeid i samband med Epstein-sakene. Og det kan vere ein del gråsoner i dette landskapet. Difor er det ekstra viktig å vere merksam, og tenke gjennom kven ein pleiar kontakt med og for kva føremål. Men å berike seg sjølv har ingenting med normalt diplomatisk arbeid å gjere.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
