Tidlause tilstandar
Minimalistisk musikk for ein kontemplativ start på året.
Ambient
Sarah Davachi:
Gave in rest
Ba Da Bing Records
Godt nyttår frå den kanadiske landsbygda! Heller enn å starte året med ein rapport frå bøttebasslovedansen eg trampa meg inn i 2019 med, på ein saloon kalla opp etter smørjemiddel for traktormotorar, skal eg fortelje om eit stykke minimalistisk, kontemplativ ambient signert ein artist eg såg inne i storbyen like oppunder jol. 2017 starta med ei melding av ambientveteranen Brian Enos Reflection, 2018 med Eno og Tom Rogersons Finding Shore, så dette byrjar så smått å likne ein tradisjon.
Gave in rest, Sarah Davachis andre album i 2018 og 16. utgjeving sidan 2013, er spelt inn i Montreal, men det var på eit arrangement under den framifrå konsertserien Quiet City i Vancouver at eg fekk sjå og høyre dette kanadiske stjerneskotet traktere synth- og mellotrontangentane live. Davachis komposisjonar er baserte på subtile variasjonar over tid, og Gave in rest byd på både heilsyntetiske overtoneutforskingar og fredsæle stykke for piano, vokal, fiolin og kontrabass. Desse komplekse klangteppa læt som samanvevingar av Eliane Radigues minimalistiske dronar (eller borduntonar) og Pauline Anna Stroms draumeaktige synthvisjonar dekorerte med hint av Terry Rileys orgelvampar, tibetansk meditasjonsmusikk, kyrkjemusikk, mellomaldermusikk og barokk.
Albumet eignar seg til avslappa djuplytting der ein lèt medvitet flyte med lydbølgene ut i tidlause tilstandar og som fokusforsterkande bakgrunnsmusikk for konsentrasjonskrevjande gjeremål likeins. Det er nærast magisk.
Rasmus Hungnes
Rasmus Hungnes er musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Ambient
Sarah Davachi:
Gave in rest
Ba Da Bing Records
Godt nyttår frå den kanadiske landsbygda! Heller enn å starte året med ein rapport frå bøttebasslovedansen eg trampa meg inn i 2019 med, på ein saloon kalla opp etter smørjemiddel for traktormotorar, skal eg fortelje om eit stykke minimalistisk, kontemplativ ambient signert ein artist eg såg inne i storbyen like oppunder jol. 2017 starta med ei melding av ambientveteranen Brian Enos Reflection, 2018 med Eno og Tom Rogersons Finding Shore, så dette byrjar så smått å likne ein tradisjon.
Gave in rest, Sarah Davachis andre album i 2018 og 16. utgjeving sidan 2013, er spelt inn i Montreal, men det var på eit arrangement under den framifrå konsertserien Quiet City i Vancouver at eg fekk sjå og høyre dette kanadiske stjerneskotet traktere synth- og mellotrontangentane live. Davachis komposisjonar er baserte på subtile variasjonar over tid, og Gave in rest byd på både heilsyntetiske overtoneutforskingar og fredsæle stykke for piano, vokal, fiolin og kontrabass. Desse komplekse klangteppa læt som samanvevingar av Eliane Radigues minimalistiske dronar (eller borduntonar) og Pauline Anna Stroms draumeaktige synthvisjonar dekorerte med hint av Terry Rileys orgelvampar, tibetansk meditasjonsmusikk, kyrkjemusikk, mellomaldermusikk og barokk.
Albumet eignar seg til avslappa djuplytting der ein lèt medvitet flyte med lydbølgene ut i tidlause tilstandar og som fokusforsterkande bakgrunnsmusikk for konsentrasjonskrevjande gjeremål likeins. Det er nærast magisk.
Rasmus Hungnes
Rasmus Hungnes er musikar og fast musikkmeldar i Dag og Tid.
Fleire artiklar
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Foto: Terje Pedersen / NTB
FHI svikter sitt samfunnsoppdrag
«Det er svært viktig at FHI er tydelig overfor publikum på at de ikke jobber med årsaken til long covid.»
Foto: Universitetet i Bergen
Nord-Noreg ord for ord
Bak Nordnorsk ordbok ligg livsverket til ein stor kvinneleg språkforskar frå Lofoten. Ho kjempa seg forbi mange hinder, men møtte alltid nye og fekk aldri anerkjenninga ho fortente.
Emilie Enger Mehl avbilda på veg til pressetreff på Grøndland for å presentere Revidert nasjonalbudsjett, 14.05.2024. I budsjettet vert det mellom anna satt av penger til å reversere domstolsreforma. Foto: Javad Parsa / NTB.
Javad Parsa
– Uforståeleg domstolsendring
Sorenskrivar Kirsti Høegh Bjørneset er kritisk til at regjeringa vil reversere domstolsreforma.
Anne Kalvig er religionsvitar og tidlegare professor ved Universitetet i Stavanger. I fjor etablerte ho Medvit forlag.
Foto: Anja Bakken
Tru og tvil
Vi må framleis snakke om kvinner og menn. Men kan vi ikkje samstundes ta rimeleg omsyn til dei andre?
Papiravisa