Synth, saks og sauebrek
Kanadiske Pierre Guerineaus solodebut er eit elektronisk meisterverk.
Elektronisk musikk
Feu St-Antoine:
L’eau par la soif
Éditions Appærent
Den Montreal-baserte kanadiske musikaren Pierre Guerineau er kjend frå duoen Essaie Pas («ikkje prøv»), der han saman med Marie Davidson lagar dunkel og detaljert musikk i kryssingspunktet mellom sjangrane synth-pop og cold wave. Davidson gav ut sitt fjerde soloalbum, Working Class Woman, mot slutten av 2018; solodebuten til Guerineau kom først no i august.
Medan Essaie Pas’ og Davidsons musikk er svært dansegolvvenleg, er komposisjonane på L’eau par la soif (som tyder «vatn til dei tørste») ein god del hakk meir abstrakte og flyt rundt ein stad mellom ambient, samtidsmusikk og techno. Namnet Feu St-Antoine refererer til ergotisme, ein sjukdom som i gamle dagar braut ut når folk åt brød laga av mjøldrygeinfisert korn. Tilstanden var prega av hallusinasjonar og krampetrekningar.
Prosjektet spring ut or funderingar kring korleis den subjektive opplevinga av røynda blir forma, av samfunnet og den enkelte, og musikken utfordrar konvensjonelle idear om kva elektronisk musikk kan vere. Når perkusjonen slår inn, hender det i rykk og napp som kan inspirere til uvanlege dansetrinn, og dei rike lydbileta inviterer konstant til engasjert nærlytting. Her kan ein mellom anna finne vocodersong, saksofonspel, nostalgisk pianoklimpring, sauebjøller og mekring, og det virtuose synthesizerarbeidet på tittelsporet er som frå ei anna verd. I det heile er det tale om eit svært godt album som ein bør unne seg å bli kjent med.
Rasmus Hungnes
Rasmus Hungnes er trommeslagar, kunstnar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Elektronisk musikk
Feu St-Antoine:
L’eau par la soif
Éditions Appærent
Den Montreal-baserte kanadiske musikaren Pierre Guerineau er kjend frå duoen Essaie Pas («ikkje prøv»), der han saman med Marie Davidson lagar dunkel og detaljert musikk i kryssingspunktet mellom sjangrane synth-pop og cold wave. Davidson gav ut sitt fjerde soloalbum, Working Class Woman, mot slutten av 2018; solodebuten til Guerineau kom først no i august.
Medan Essaie Pas’ og Davidsons musikk er svært dansegolvvenleg, er komposisjonane på L’eau par la soif (som tyder «vatn til dei tørste») ein god del hakk meir abstrakte og flyt rundt ein stad mellom ambient, samtidsmusikk og techno. Namnet Feu St-Antoine refererer til ergotisme, ein sjukdom som i gamle dagar braut ut når folk åt brød laga av mjøldrygeinfisert korn. Tilstanden var prega av hallusinasjonar og krampetrekningar.
Prosjektet spring ut or funderingar kring korleis den subjektive opplevinga av røynda blir forma, av samfunnet og den enkelte, og musikken utfordrar konvensjonelle idear om kva elektronisk musikk kan vere. Når perkusjonen slår inn, hender det i rykk og napp som kan inspirere til uvanlege dansetrinn, og dei rike lydbileta inviterer konstant til engasjert nærlytting. Her kan ein mellom anna finne vocodersong, saksofonspel, nostalgisk pianoklimpring, sauebjøller og mekring, og det virtuose synthesizerarbeidet på tittelsporet er som frå ei anna verd. I det heile er det tale om eit svært godt album som ein bør unne seg å bli kjent med.
Rasmus Hungnes
Rasmus Hungnes er trommeslagar, kunstnar og fast musikkmeldar i Dag og Tid.
Fleire artiklar
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Den norske fiskeflåten er mangfaldig. Her er ringnotfartøy ved kai i Egersund våren 2017.
Foto: Per Anders Todal
Fiskar er fiskar verst
Striden om kvotemeldinga kan få Fiskarlaget til å rivne.
Mannsutvalet saman med kultur- og likestillingsminister Lubna Jaffery under overrekkinga av rapporten.
Foto: Ole Berg-Rusten
Vil avlive likestillingsmytar
Forskar Mari Teigen ønskjer seg ein kjønnsdebatt bygd på kunnskap.
Statsministeren i Storbritannia, Rishi Sunak, har varsla at dei fyrste flya mot Rwanda skal vere i lufta løpet av ti til tolv veker.
Foto: Toby Melville / Reuters / NTB
Vil nytte Rwanda
som asylskremsel
Den som prøver å ta seg til Storbritannia med båt over Den engelske kanalen for å søkje asyl, risikerer i framtida å verte sett på eit fly til Rwanda utan høve til å returnere.
Papiravisa