Slitesterk julehelsing
Eit opptak som i si tid var ei julegåve, er no kome på plate.
Folkemusikk
Anders Kjerland:
Helsing med tonefylgje
Aksent
Hardingfelespelaren Anders Kjerland (1900–1989) frå Granvin i Hardanger var ein av dei fremste spelemennene i sin generasjon. Han medverka på over 100 kappleikar og er dessutan godt dokumentert med 481 slåttar som er tekne opp av NRK.
Men opptaka på denne utgjevinga er henta frå verken kringkastinga eller folkemusikkarkiva. I 1967 gjorde Håvard Kvandal – sambygding og vidgjeten felemakar – opptak av Kjerland med ein Tandberg bandopptakar. Bandet vart sendt som gåve til folkemusikkvenene Lilly og Hans Nestegard i Hallingdal. Utgjevinga opnar med at Kjerland les inn ei julehelsing, og sidan går det slag i slag, mest i springar og rull. Av og til seier spelemannen nokre ord om dei 23 slåttane, som gjerne er i form etter læremeisteren Halldor Meland (1884–1972).
Det har ikkje noko føre seg å vurdera spelet til Kjerland over 50 år etter at opptaket vart gjort. Dessutan er han ein av dei mest vurderte hardingfelespelarane som har levd (kappleiksspelmann som han var), og han har etterkomarar og tidlegare elevar som er høgst oppegåande forvaltarar av den musikalske arven etter Kjerland. Utgjevinga er såleis meir å rekna som eit monument over ein hovding som «alle» i hardingfelemiljøet har eit forhold til, både av det beundrande og kritiske slaget.
Håvard Svendsrud, som sjølv er ein framifrå musikar, og plateselskapet Aksent skal ha stor honnør for atter ein gong å gjera den viktige jobben med å henta fram gamle (og gjerne ukjente) opptak frå arkiv og privatpersonar og gjera dei tilgjengelege for eit større publikum. Også det detaljerte tekstheftet (både på norsk og engelsk) lyt nemnast. Som heilskap er dette ein førsteklasses inngang til kunnskap om denne delen av hardingfelemusikken som framleis pregar mange utøvarar.
Sigbjørn Apeland
Sigbjørn Apeland er musikar, musikkvitar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Folkemusikk
Anders Kjerland:
Helsing med tonefylgje
Aksent
Hardingfelespelaren Anders Kjerland (1900–1989) frå Granvin i Hardanger var ein av dei fremste spelemennene i sin generasjon. Han medverka på over 100 kappleikar og er dessutan godt dokumentert med 481 slåttar som er tekne opp av NRK.
Men opptaka på denne utgjevinga er henta frå verken kringkastinga eller folkemusikkarkiva. I 1967 gjorde Håvard Kvandal – sambygding og vidgjeten felemakar – opptak av Kjerland med ein Tandberg bandopptakar. Bandet vart sendt som gåve til folkemusikkvenene Lilly og Hans Nestegard i Hallingdal. Utgjevinga opnar med at Kjerland les inn ei julehelsing, og sidan går det slag i slag, mest i springar og rull. Av og til seier spelemannen nokre ord om dei 23 slåttane, som gjerne er i form etter læremeisteren Halldor Meland (1884–1972).
Det har ikkje noko føre seg å vurdera spelet til Kjerland over 50 år etter at opptaket vart gjort. Dessutan er han ein av dei mest vurderte hardingfelespelarane som har levd (kappleiksspelmann som han var), og han har etterkomarar og tidlegare elevar som er høgst oppegåande forvaltarar av den musikalske arven etter Kjerland. Utgjevinga er såleis meir å rekna som eit monument over ein hovding som «alle» i hardingfelemiljøet har eit forhold til, både av det beundrande og kritiske slaget.
Håvard Svendsrud, som sjølv er ein framifrå musikar, og plateselskapet Aksent skal ha stor honnør for atter ein gong å gjera den viktige jobben med å henta fram gamle (og gjerne ukjente) opptak frå arkiv og privatpersonar og gjera dei tilgjengelege for eit større publikum. Også det detaljerte tekstheftet (både på norsk og engelsk) lyt nemnast. Som heilskap er dette ein førsteklasses inngang til kunnskap om denne delen av hardingfelemusikken som framleis pregar mange utøvarar.
Sigbjørn Apeland
Sigbjørn Apeland er musikar, musikkvitar og fast musikkmeldar i Dag og Tid.
Fleire artiklar
Utvalsleiar Line Eldring leverer NOU-rapporten om EØS-avtalen til utanriksminister Espen Barth Eide (Ap).
Foto: Terje Pedersen / NTB
Kva er alternativet til EØS-medlemskap?
Anna Kleiva er forfattar og omsetjar.
Foto: Privat
Anna Kleiva er ny diktskribent i Dag og Tid
«Eg ser fram til å arbeida meir med einskilde dikt frå ulike forfattarar.»
Sofi Oksanen er av dei forfattarane som har fått flest prisar i Norden. Bøkene hennar er omsette til 46 språk. Biletet er frå bokmessa i Wien i 2022.
Foto: Nicola Montfort / Wikimedia Commons
Vald mot kvinner som våpen
Sofi Oksanen ønskte å skrive ei bok som er tilgjengeleg for vanlege lesarar, som kan lesast utan kart og utan at ein treng følgje krigsnyhenda dag for dag. At essayet Putins krig mot kvinner skulle bli så skremmande, såg ho ikkje heilt for seg.
For Balázs Orbán, som er politisk rådgjevar for statsministeren, er jobben å halda fast ved dei langsiktige måla til regjeringa mellom alle dei mindre og større oppgåvene i kvardagen.
Foto frå heimesida til Orbán Balázs i regjeringa
Verda ifølgje Orbán
BUDAPEST: I ei ny bok fortel ideologen til Viktor Orbán korleis Ungarn vil utfordra den liberale verdsordninga. Weekendavisen har møtt han.
Gjengkrim – ein varsla katastrofe
Det går knapt ein dag utan grove valdshendingar i Oslo. Bak står gjengar og mektige kriminelle nettverk som har vakse fram dei siste ti åra.