Overprodusert svart humor
Ei sjølvmedviten poprockplate med for glatt finish.
Weezer i aksjon på iHeartRadio Music Festival i Las Vegas.
Foto: Powers Imagery A/ AP / NTB scanpix
Rock
Weezer:
Weezer (Black Album)
Crush Music / Atlantic Records
Weezers 13. album heiter, lik fem av dei andre platene til det amerikanske bandet, berre Weezer. Som dei nemnde fem er plata òg kalla opp etter fargen som dominerer omslaget – i dette tilfellet, av di tematikken er så dunkel, svart.
Skuggesider
På Black Album er det emne som skuggesida til den konstruktive kritikken (jamfør låten «I’m Just Being Honest»), den misforståtte kunstnaren (sjå musikkvideoen til «High As A Kite», der Weezer spelar for eit publikum av barn som blir så skremde av utageringa på scena at mor lyt ta dei med heim att før konserten er over), produktplassering (dei siste 15 sekunda av videoen til «Can’t Knock The Hustle» er ei hysterisk malplassert reklame for eit ikkje-eksisterande forfriskingsprodukt kalla «Pinapplemon») og kokainmisbruk («California Snow») som står på agendaen.
Klisjear
Sjølvsagt er det ikkje gale at band utviklar stilen, men her er det for mange glatte klisjear og for lite vindskeiv råskap ute og går. Dette læt for det meste som overprodusert 2010-talspop med eit tilsnitt av småstormannsgalne, halveksperimentelle kunstrockaktige låtstrukturar. Overraskande ofte minner musikken meg om popmusikkparodiane på humorkanalen Bad Lip Reader på Youtube. Det er nok her, i det svarthumoristiske djupet under den glatte overflata, at poenget ligg, og kven veit – Pinkerton (1996) blei først møtt med blanda reaksjonar, men har seinare blitt hylla som eit meisterverk. Kan hende vil tida vise at Black Album var for avansert og nyskapande til at vi kunne forstå kor bra det er her og no. Neppe.
Rasmus Hungnes
Rasmus Hungnes er musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Rock
Weezer:
Weezer (Black Album)
Crush Music / Atlantic Records
Weezers 13. album heiter, lik fem av dei andre platene til det amerikanske bandet, berre Weezer. Som dei nemnde fem er plata òg kalla opp etter fargen som dominerer omslaget – i dette tilfellet, av di tematikken er så dunkel, svart.
Skuggesider
På Black Album er det emne som skuggesida til den konstruktive kritikken (jamfør låten «I’m Just Being Honest»), den misforståtte kunstnaren (sjå musikkvideoen til «High As A Kite», der Weezer spelar for eit publikum av barn som blir så skremde av utageringa på scena at mor lyt ta dei med heim att før konserten er over), produktplassering (dei siste 15 sekunda av videoen til «Can’t Knock The Hustle» er ei hysterisk malplassert reklame for eit ikkje-eksisterande forfriskingsprodukt kalla «Pinapplemon») og kokainmisbruk («California Snow») som står på agendaen.
Klisjear
Sjølvsagt er det ikkje gale at band utviklar stilen, men her er det for mange glatte klisjear og for lite vindskeiv råskap ute og går. Dette læt for det meste som overprodusert 2010-talspop med eit tilsnitt av småstormannsgalne, halveksperimentelle kunstrockaktige låtstrukturar. Overraskande ofte minner musikken meg om popmusikkparodiane på humorkanalen Bad Lip Reader på Youtube. Det er nok her, i det svarthumoristiske djupet under den glatte overflata, at poenget ligg, og kven veit – Pinkerton (1996) blei først møtt med blanda reaksjonar, men har seinare blitt hylla som eit meisterverk. Kan hende vil tida vise at Black Album var for avansert og nyskapande til at vi kunne forstå kor bra det er her og no. Neppe.
Rasmus Hungnes
Rasmus Hungnes er musikar og fast musikkmeldar i Dag og Tid.
Fleire artiklar
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?