Shoegazingpionerane leverer eit solid comeback etter 22 års fråvær.
Rock
Slowdive:
Slowdive
Dead Oceans
Sjangeromgrepet shoegazing skildrar essensielt sett kroppsposituren til ein shoegaze-gitarist: ryggrada bøygd og blikket festa på omfattande effektpedalbrett for å koordinere kompliserte knottrykkingskoreografiar. Resultatet er flytande, draumeaktige lydteppe som omsluttar lyttaren i eit sonisk skumbad som manar fram reiser gjennom stjernehimmelen og late dagar på stranda likeins.
Blant pionerane i sjangeren finn vi Slowdive, eit britisk band som starta opp i 1989, inspirert av mellom andre Sonic Youth, My Bloody Valentine og Talk Talk, så vel som New York-minimalistsamtidsmusikk som Steve Reich og Philip Glass. Bandnamnet er lånt frå ein Siouxie and the Banshees-song, og plata med same namn er den første dei gjev ut på 22 år.
Lydbiletet er enkelt, men samstundes omfattande: Tydelege, lett melankolske melodiar blir framførte med fredsæle elgitarlydar og silkemjuk vokal, underbygde av varme bassliner og brusande, feiande synthar. Dei drivande trommerytmane er nedstrippa, kompakte og konsise, smakfullt krydra med delikat cymbalornamentikk. Dei åtte spora på «Slowdive» er eit framifrå comeback som det er vanskeleg å seie noko negativt om. Plata er nøktern og storslegen på same tid, og lydane flyt saumlaust saman i herleg harmoni. Å lytte til denne musikken er som å få ein avslappande, oppkvikkande hjernemassasje, som den betre halvdelen til underteikna kritikar så treffande formulerte det.
Rasmus Hungnes
Rasmus Hungnes er musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Rock
Slowdive:
Slowdive
Dead Oceans
Sjangeromgrepet shoegazing skildrar essensielt sett kroppsposituren til ein shoegaze-gitarist: ryggrada bøygd og blikket festa på omfattande effektpedalbrett for å koordinere kompliserte knottrykkingskoreografiar. Resultatet er flytande, draumeaktige lydteppe som omsluttar lyttaren i eit sonisk skumbad som manar fram reiser gjennom stjernehimmelen og late dagar på stranda likeins.
Blant pionerane i sjangeren finn vi Slowdive, eit britisk band som starta opp i 1989, inspirert av mellom andre Sonic Youth, My Bloody Valentine og Talk Talk, så vel som New York-minimalistsamtidsmusikk som Steve Reich og Philip Glass. Bandnamnet er lånt frå ein Siouxie and the Banshees-song, og plata med same namn er den første dei gjev ut på 22 år.
Lydbiletet er enkelt, men samstundes omfattande: Tydelege, lett melankolske melodiar blir framførte med fredsæle elgitarlydar og silkemjuk vokal, underbygde av varme bassliner og brusande, feiande synthar. Dei drivande trommerytmane er nedstrippa, kompakte og konsise, smakfullt krydra med delikat cymbalornamentikk. Dei åtte spora på «Slowdive» er eit framifrå comeback som det er vanskeleg å seie noko negativt om. Plata er nøktern og storslegen på same tid, og lydane flyt saumlaust saman i herleg harmoni. Å lytte til denne musikken er som å få ein avslappande, oppkvikkande hjernemassasje, som den betre halvdelen til underteikna kritikar så treffande formulerte det.
Rasmus Hungnes
Rasmus Hungnes er musikar og fast musikkmeldar i Dag og Tid.
Fleire artiklar
Gjengkrim – ein varsla katastrofe
Det går knapt ein dag utan grove valdshendingar i Oslo. Bak står gjengar og mektige kriminelle nettverk som har vakse fram dei siste ti åra.
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
For Balázs Orbán, som er politisk rådgjevar for statsministeren, er jobben å halda fast ved dei langsiktige måla til regjeringa mellom alle dei mindre og større oppgåvene i kvardagen.
Foto frå heimesida til Orbán Balázs i regjeringa
Verda ifølgje Orbán
BUDAPEST: I ei ny bok fortel ideologen til Viktor Orbán korleis Ungarn vil utfordra den liberale verdsordninga. Weekendavisen har møtt han.
29 år gamle Jordan Bardella leier det franske høgrepopulistiske partiet Rassemblement National – som omsett til norsk vert Nasjonal samling. Det ligg an til å verte det største partiet i Frankrike ved EU-valet om ein månad. Biletet er frå eit valkampmøte i Perpignan, sør i Frankrike, 1. mai.
Foto: Manon Cruz / Reuters
Eit Europa i mørkare blått
Partia ytst til høgre ligg an til å styrkje stillinga si i Europaparlamentet ved valet om ein månad. Men dei kjem ikkje til å få stor politisk makt, ifølgje diplomat og forskar Sverre Jervell.
Elin Eika Bringa debuterer som romanforfattar.
Foto: Christopher Helberg / Bonnier Forlag
Utan eit eige rom
Elin Eika Bringa skriv seg inn i dei siste dagane i eit liv i romanen Snart er eg natt.