Her er det omtanke og kvalitet i alle ledd.
Saman med musikarane Stephan Meidell og Øyvind Hegg-Lunde tek Erlend Apneseth oss med inn i eit samtidsmusikklandskap.
Foto: Oddleiv Apneseth
SAMTIDSMUSIKK
Erlend Apneseth Trio:
Åra
Erlend Apneseth, hardingfele; Stephan Meidell, barytongitar, live sampling og elektronikk; Øyvind Hegg-Lunde, trommer og perkusjon; Erlend O. Nødtvedt, vokal (8).
HUBRO HUBROCD 2584
I tillegg til Nils Økland er det Erlend Apneseth som best viser fram det mangslungne bruksområdet til hardingfela. Instrumentet som har vore synonymt med delar av slåttetradisjonen vår, fungerer som ei kule i eit eksperimenterande samtidsmusikklandskap. Åra er i så måte ei vidareføring av Det andre rommet (Hubro, 2016), men det er også ei vidareføring i den forstand at folkemusikken og det tradisjonelle bruksområdet til hardingfela er tydeleg til stades, til dømes i «Undergrunn». Dette er samtidsmusikk, men med ei klar forankring.
Eit kuriosum er sporet «Saga». Dette er eit arkivopptak med ein ukjend som spelar på sag, nydeleg spelt, forresten, der trioen har laga eit delikat og neddempa arrangement som lyfter melodistemma.
Eit sjakktrekk har det også vore å få med lyrikaren Erlend O. Nødtvedt med ein omarbeiddd versjon av opninga han hadde på Vossa Jazz i år. «Ljøsnahallingen», som er blitt til ein fortetta variant med tittelen «Lysne», handlar om lærdalsbøndenes opprørsleiar Anders Olson Lysne og den dramatiske hendinga då Lysne må avliva hesten sin fordi ei steinblokk knuser foten til hesten. Nødtvedt var ein sensasjon på Vossa Jazz, og han er ikkje mindre sterk her.
Lagarbeidet har alltid stått sentralt i måten Erlend Apneseth Trio lagar musikk på, og det er eit sentralt trekk også denne gongen. Det er blitt endå tydelegare i klangaspektet ved musikken. Åra er på alle måtar ei framifrå innspeling.
Lars Mossefinn
Lars Mossefinn er frilans kulturarbeidar og fast platemeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
SAMTIDSMUSIKK
Erlend Apneseth Trio:
Åra
Erlend Apneseth, hardingfele; Stephan Meidell, barytongitar, live sampling og elektronikk; Øyvind Hegg-Lunde, trommer og perkusjon; Erlend O. Nødtvedt, vokal (8).
HUBRO HUBROCD 2584
I tillegg til Nils Økland er det Erlend Apneseth som best viser fram det mangslungne bruksområdet til hardingfela. Instrumentet som har vore synonymt med delar av slåttetradisjonen vår, fungerer som ei kule i eit eksperimenterande samtidsmusikklandskap. Åra er i så måte ei vidareføring av Det andre rommet (Hubro, 2016), men det er også ei vidareføring i den forstand at folkemusikken og det tradisjonelle bruksområdet til hardingfela er tydeleg til stades, til dømes i «Undergrunn». Dette er samtidsmusikk, men med ei klar forankring.
Eit kuriosum er sporet «Saga». Dette er eit arkivopptak med ein ukjend som spelar på sag, nydeleg spelt, forresten, der trioen har laga eit delikat og neddempa arrangement som lyfter melodistemma.
Eit sjakktrekk har det også vore å få med lyrikaren Erlend O. Nødtvedt med ein omarbeiddd versjon av opninga han hadde på Vossa Jazz i år. «Ljøsnahallingen», som er blitt til ein fortetta variant med tittelen «Lysne», handlar om lærdalsbøndenes opprørsleiar Anders Olson Lysne og den dramatiske hendinga då Lysne må avliva hesten sin fordi ei steinblokk knuser foten til hesten. Nødtvedt var ein sensasjon på Vossa Jazz, og han er ikkje mindre sterk her.
Lagarbeidet har alltid stått sentralt i måten Erlend Apneseth Trio lagar musikk på, og det er eit sentralt trekk også denne gongen. Det er blitt endå tydelegare i klangaspektet ved musikken. Åra er på alle måtar ei framifrå innspeling.
Lars Mossefinn
Lars Mossefinn er frilans kulturarbeidar og fast platemeldar i Dag og Tid.
Fleire artiklar
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?