Arkivet: The Handsome Family
The Handsome Family spelar i Bergen og Oslo i helga.
Har du høyrt soga om den triste mjølkemannen?
Han var forelska i månen, som fylte vindauget med mjukt mjølkelys. Ei natt klatra han opp skorsteinen, og ut i mørkret. Kva fann han der?
Om du ikkje kjenner den verda som stig fram i songane til The Handsome Family, er det enno ikkje for seint å få ein inngangsbillett. I kveld kjem ekteparet Rennie og Brett Sparks til Garage i Bergen, og i morgon dukkar dei opp på John Dee i Oslo.
Somme vil kjenne deira skeive, gotiske americana frå «Far From Any Road», kjenningsmelodien til den første sesongen av HBO-serien True Detective, som vel skaffa dei fleire nevar med dollar enn mange av dei eksepsjonelt sterke platene deira har gjort. Oppskrifta har alltid vore den same: Rennie lagar små, bekmørke og underfundige forteljingar, framførte med Bretts djupe countryrøyst, over elgitar, skiftvis banjo og bass, og perkusjon. Det funkar som berre det.
Snart tre år har gått sidan eg sist høyrde The Handsome Family, då på Logen i Bergen, ein oktoberkveld. Det kjennest alt lenge sidan. Velkomen tilbake, Rennie og Brett Sparks.
Øyvind Vågnes
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Har du høyrt soga om den triste mjølkemannen?
Han var forelska i månen, som fylte vindauget med mjukt mjølkelys. Ei natt klatra han opp skorsteinen, og ut i mørkret. Kva fann han der?
Om du ikkje kjenner den verda som stig fram i songane til The Handsome Family, er det enno ikkje for seint å få ein inngangsbillett. I kveld kjem ekteparet Rennie og Brett Sparks til Garage i Bergen, og i morgon dukkar dei opp på John Dee i Oslo.
Somme vil kjenne deira skeive, gotiske americana frå «Far From Any Road», kjenningsmelodien til den første sesongen av HBO-serien True Detective, som vel skaffa dei fleire nevar med dollar enn mange av dei eksepsjonelt sterke platene deira har gjort. Oppskrifta har alltid vore den same: Rennie lagar små, bekmørke og underfundige forteljingar, framførte med Bretts djupe countryrøyst, over elgitar, skiftvis banjo og bass, og perkusjon. Det funkar som berre det.
Snart tre år har gått sidan eg sist høyrde The Handsome Family, då på Logen i Bergen, ein oktoberkveld. Det kjennest alt lenge sidan. Velkomen tilbake, Rennie og Brett Sparks.
Øyvind Vågnes
Fleire artiklar
Fleire jazzmusikarar i USA mislikte at amerikansk UD nytta dei som «ambassadørar» i Afrika for å få merksemda vekk frå det dei dreiv med.
Foto frå filmen
«Har du illusjonar om politikk og politikarar, vil Soundtrack to a Coup D’Etat drepe dei effektivt på 150 minutt.»
Teikning: May Linn Clement
«Eg har lagt merke til at folk går i ein liten boge forbi den daude grevlingen som ligg i grøfta.»
Endre Ruset er poet og tidlegare kunstnarisk leiar ved Norsk litteraturfestival.
Foto: Heidi Furre
«Dikta til Endre Ruset er ridde av tap og sorg, og med hesten som sentralt motiv.»
Dette er ein bar, men er det ein sjokoladebar til laurdagskvelden eller ein proteinbar til treningsøkta?
Foto via Wikimedia Commons
«Det er høgt trykk på proteinbarfronten for tida.»
Teikning: May Linn Clement
Papiravisa