80-åra i 1999
Kompetent og anakronistisk synthpop som kunne nytt godt av meir trekkspel.
The Holy Mountain har nyleg gjeve ut ein ny låt med ein musikkvideo.
Foto: Katinka Hustad
Elektronisk
musikk
The Holy Mountain:
And Hank Mardukas
Diamond Club
Norske The Holy Mountain deler namn med Jodorowskys okkulte og psykedeliske kultfilm frå 1973, og tittelen på den nyaste låten og musikkvideoen, And Hank Mardukas, læt som ei esoterisk påkalling. I røynda er det tale om ein referanse til I Love You, Man (2009), og låta, som krinsar rundt samplingar frå denne filmen, tek for seg temaet venskap.
I videoen blir vi bringa tilbake til ei tid – våren 1999, etter spelkonsollen Game Boy Color å dømme – før sosiale medium, då vener var saman i den fysiske verda. Og nostalgi er nøkkelordet her. Medan The Holy Mountain tidligare har operert med ein forvitneleg kombo av synth, trommer og trekkspel, er det her tale om eit stykkje synthwave-orientert pop med assosiasjonar til John Carpenters filmmusikk.
And Hank Mardukas er ein habil retropoplåt som enkelt penetrerer trommehinnene og klistrar seg til hjernen. Samstundes læt det svært velkjent. Sjølv om eg er aldri så glad i varme, syntetiske 80-talslydar og -harmoniar, og The Holy Mountain er svært dugande når det kjem til slikt, saknar låta noko av det meir dynamiske, leikne og livaktige som kjenneteiknar det bandet tidlegare laga.
På den framifrå plata Toad of Light (2018) blei synthesizer- og trekkspelarpeggiato blanda saumlaust saman til eit kompromisslaust, medrivande og rått uttrykk med mykje til felles med matematikkrockeband som Battles. Til samanlikning er dette flatt.
Mogelegvis er det tale om eit plateselskapsindusert singelsyndrom, og det skal bli interessant å høyre kva bandet diskar opp med på det komande albumet med den merkeleg makabre tittelen Ending it all Tonight.
Rasmus Hungnes
Ramsmus Hungnes er kunstnar, musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Elektronisk
musikk
The Holy Mountain:
And Hank Mardukas
Diamond Club
Norske The Holy Mountain deler namn med Jodorowskys okkulte og psykedeliske kultfilm frå 1973, og tittelen på den nyaste låten og musikkvideoen, And Hank Mardukas, læt som ei esoterisk påkalling. I røynda er det tale om ein referanse til I Love You, Man (2009), og låta, som krinsar rundt samplingar frå denne filmen, tek for seg temaet venskap.
I videoen blir vi bringa tilbake til ei tid – våren 1999, etter spelkonsollen Game Boy Color å dømme – før sosiale medium, då vener var saman i den fysiske verda. Og nostalgi er nøkkelordet her. Medan The Holy Mountain tidligare har operert med ein forvitneleg kombo av synth, trommer og trekkspel, er det her tale om eit stykkje synthwave-orientert pop med assosiasjonar til John Carpenters filmmusikk.
And Hank Mardukas er ein habil retropoplåt som enkelt penetrerer trommehinnene og klistrar seg til hjernen. Samstundes læt det svært velkjent. Sjølv om eg er aldri så glad i varme, syntetiske 80-talslydar og -harmoniar, og The Holy Mountain er svært dugande når det kjem til slikt, saknar låta noko av det meir dynamiske, leikne og livaktige som kjenneteiknar det bandet tidlegare laga.
På den framifrå plata Toad of Light (2018) blei synthesizer- og trekkspelarpeggiato blanda saumlaust saman til eit kompromisslaust, medrivande og rått uttrykk med mykje til felles med matematikkrockeband som Battles. Til samanlikning er dette flatt.
Mogelegvis er det tale om eit plateselskapsindusert singelsyndrom, og det skal bli interessant å høyre kva bandet diskar opp med på det komande albumet med den merkeleg makabre tittelen Ending it all Tonight.
Rasmus Hungnes
Ramsmus Hungnes er kunstnar, musikar og fast musikkmeldar i Dag og Tid.
Fleire artiklar
Teikning: May Linn Clement
Historieforvanskingar
Eskil Skjeldal har skrive fleire bøker, både sakprosa og romanar.
Foto: Vegard Giskehaug
Der mørkeret bur
Eskil Skjeldal er ikkje redd for å gå dit det gjer mest vondt.
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.