Musikk
Vinterpalasset er eit musikalsk eventyr
Håkon Brunborg syner kvit magi.
Foto: Siobhan Beasley
Multiinstrumentalisten Håkon Brunborg har lenge hatt gode vekstvilkår bak artistar som Ane Brun og Fay Wildhagen. No kjem han likevel med si andre soloplate. Vinterpalasset har ikkje mykje å gjere med det tidlegare keisarbygget i St. Petersburg, og kan i alle fall ikkje kallast særleg barokk. Og sjølv om ein låt har namn frå Balmoral Castle, ferieslottet den britiske kongefamilien eig i Skottland, er den eventyrlege Tolkien-referansen i «There and Back Again» meir treffande for å skildre kvar Brunborg vil med musikken.
Her svevar synth og vokal forunderleg oppløftande. Gode musikarvener – far og saksofonist Tore Brunborg er ikkje blant dei denne gongen – bidreg til å byggje eit album som er akkurat så eklektisk tilgjengeleg og leikande komplekst som låttitlar som «127» og «:)» antyder.
«Alba» og «OK» peikar mot det same melankolsk lystige ein kan høyre i lydspora til japanske animasjonsfilmar. Ein dualitet som gjerne kan kallast drøymande, men det treffer eigentleg ikkje heilt.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
