Verdshistorie frå
første benkerad
John Reeds forteljing frå den russiske revolusjonen har spenst, spenning og nerve.
HISTORIE
John Reed:
Ti dager som rystet verden
Omsett av Charlie Jansson
Føreord av Morten Jentoft
Spartacus
I dei kaotiske haustdagane i 1917 da bolsjevikane tok makta i Petrograd, var den amerikanske pressemannen John Reed (1887–1920) i den russiske hovudstaden og fekk sjå verdshistoria frå første benkerad.
Boka hans om dei ti dagane har status som klassikar, og det er all grunn til å spandera ei nyutgjeving ved hundreårsmarkeringa, slik forlaget Spartacus har gjort. Reed, som ikkje gjer nokon freistnad på å løyna det sosialistiske og revolusjonære grunnsynet sitt, fortel med skarpt blikk og sikker evne til ei levande framstilling.
Spenst og spenning
Som i mest alle bøker der Russland er hovudemnet, anten det er roman eller reportasje, vert det svært mange namn. Men det er spenst, spenning og nerve i forteljinga til Reed. Reed kunne meir enn skriva; han kjem seg rundt i det vanvettige kaoset, til og med ein tur til Moskva rekk han, og han får ei oppleving som ingen yrkesbror vil misunna han: Han vert stilt opp mot ein vegg medan ei ikkje altfor disiplinert gruppe revolusjonære soldatar drøftar om dei straks skal skyta han som spion eller lata vera.
Det er dessutan godt gjort å ha fått med seg så mange detaljar. Det er vanskeleg å lasta Reed for at han kjøper bolsjevikversjonen av freistnaden på kupp i juli 1917. Da samla den tafatte regjeringa seg til å leggja fram nokre av dokumenta som viste at Lenin fekk pengar frå tyskarane. Ingen bevis, sa bolsjevikane, men bevisa var gode nok til at Lenin vart varsla, kom seg ut av byen i ei bråvending og gjekk i dekning i Helsingfors i fleire sommar- og haustmånader.
Offer
I Stalin-perioden var denne boka ikkje å få tak i Sovjetunionen. Det står altfor mykje om Trotskij der, som den nøkkelmannen han var, både som organisator, strateg og folketalar. Stalin er berre så vidt nemnd; han skreiv under på nokre dekret. Det var òg andre viktige menn og kvinner som Stalin ville ha ut or soga. Slikt gjorde han grundig: Han drap dei fleste av dei, Trotskij vart eitt av offera i 1940. Nokre få slapp med husarrest og munnkorg. Men Reed opplevde dei og festa dei til papiret før det kom så langt.
Han døydde av tyfus i 1920 og vart gravlagd i Kreml-muren, så han fekk ikkje sjå korleis det vidare gjekk. Men det er langtidsperspektiv over eit Lenin-sitat han får med seg om at berre dei som har historia på si – altså Lenins – side, skal ha pressefridom. Da er herskarane sikra mot vanskelege spørsmål.
Med eit godt føreord og knappe, presise innleiingar til kvart kapittel er NRK-korrespondenten Morten Jentoft ein solid vegførar gjennom kaoset i desse novemberdagane.
PER EGIL HEGGE
Per Egil Hegge er tidlegare redaktør i Aftenposten, forfattar og fast skribent i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
HISTORIE
John Reed:
Ti dager som rystet verden
Omsett av Charlie Jansson
Føreord av Morten Jentoft
Spartacus
I dei kaotiske haustdagane i 1917 da bolsjevikane tok makta i Petrograd, var den amerikanske pressemannen John Reed (1887–1920) i den russiske hovudstaden og fekk sjå verdshistoria frå første benkerad.
Boka hans om dei ti dagane har status som klassikar, og det er all grunn til å spandera ei nyutgjeving ved hundreårsmarkeringa, slik forlaget Spartacus har gjort. Reed, som ikkje gjer nokon freistnad på å løyna det sosialistiske og revolusjonære grunnsynet sitt, fortel med skarpt blikk og sikker evne til ei levande framstilling.
Spenst og spenning
Som i mest alle bøker der Russland er hovudemnet, anten det er roman eller reportasje, vert det svært mange namn. Men det er spenst, spenning og nerve i forteljinga til Reed. Reed kunne meir enn skriva; han kjem seg rundt i det vanvettige kaoset, til og med ein tur til Moskva rekk han, og han får ei oppleving som ingen yrkesbror vil misunna han: Han vert stilt opp mot ein vegg medan ei ikkje altfor disiplinert gruppe revolusjonære soldatar drøftar om dei straks skal skyta han som spion eller lata vera.
Det er dessutan godt gjort å ha fått med seg så mange detaljar. Det er vanskeleg å lasta Reed for at han kjøper bolsjevikversjonen av freistnaden på kupp i juli 1917. Da samla den tafatte regjeringa seg til å leggja fram nokre av dokumenta som viste at Lenin fekk pengar frå tyskarane. Ingen bevis, sa bolsjevikane, men bevisa var gode nok til at Lenin vart varsla, kom seg ut av byen i ei bråvending og gjekk i dekning i Helsingfors i fleire sommar- og haustmånader.
Offer
I Stalin-perioden var denne boka ikkje å få tak i Sovjetunionen. Det står altfor mykje om Trotskij der, som den nøkkelmannen han var, både som organisator, strateg og folketalar. Stalin er berre så vidt nemnd; han skreiv under på nokre dekret. Det var òg andre viktige menn og kvinner som Stalin ville ha ut or soga. Slikt gjorde han grundig: Han drap dei fleste av dei, Trotskij vart eitt av offera i 1940. Nokre få slapp med husarrest og munnkorg. Men Reed opplevde dei og festa dei til papiret før det kom så langt.
Han døydde av tyfus i 1920 og vart gravlagd i Kreml-muren, så han fekk ikkje sjå korleis det vidare gjekk. Men det er langtidsperspektiv over eit Lenin-sitat han får med seg om at berre dei som har historia på si – altså Lenins – side, skal ha pressefridom. Da er herskarane sikra mot vanskelege spørsmål.
Med eit godt føreord og knappe, presise innleiingar til kvart kapittel er NRK-korrespondenten Morten Jentoft ein solid vegførar gjennom kaoset i desse novemberdagane.
PER EGIL HEGGE
Per Egil Hegge er tidlegare redaktør i Aftenposten, forfattar og fast skribent i Dag og Tid.
Det er all grunn til å spandera ei nyutgjeving ved hundreårsmarkeringa.
Fleire artiklar
Gjengkrim – ein varsla katastrofe
Det går knapt ein dag utan grove valdshendingar i Oslo. Bak står gjengar og mektige kriminelle nettverk som har vakse fram dei siste ti åra.
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
For Balázs Orbán, som er politisk rådgjevar for statsministeren, er jobben å halda fast ved dei langsiktige måla til regjeringa mellom alle dei mindre og større oppgåvene i kvardagen.
Foto frå heimesida til Orbán Balázs i regjeringa
Verda ifølgje Orbán
BUDAPEST: I ei ny bok fortel ideologen til Viktor Orbán korleis Ungarn vil utfordra den liberale verdsordninga. Weekendavisen har møtt han.
29 år gamle Jordan Bardella leier det franske høgrepopulistiske partiet Rassemblement National – som omsett til norsk vert Nasjonal samling. Det ligg an til å verte det største partiet i Frankrike ved EU-valet om ein månad. Biletet er frå eit valkampmøte i Perpignan, sør i Frankrike, 1. mai.
Foto: Manon Cruz / Reuters
Eit Europa i mørkare blått
Partia ytst til høgre ligg an til å styrkje stillinga si i Europaparlamentet ved valet om ein månad. Men dei kjem ikkje til å få stor politisk makt, ifølgje diplomat og forskar Sverre Jervell.
Elin Eika Bringa debuterer som romanforfattar.
Foto: Christopher Helberg / Bonnier Forlag
Utan eit eige rom
Elin Eika Bringa skriv seg inn i dei siste dagane i eit liv i romanen Snart er eg natt.