Kulturkrasj inni ein kval
Japansk-norsk teatereksperiment forvirrar meir enn det fengslar.
Frå venstre: Henriette Marø, Anneke von der Lippe, Eindride Eidsvold, Ingjerd Egeberg og Kjersti Tveterås.
Foto: Erika Hebbert
Nationaltheatret (Kanonhallen):
Toshiki Okada:
Hvalen i rommet
Regi: Toshiki Okada
Scenografi og kostyme: Katrin Bombe
Komponist: Kazuhisa Uchihachi
Den japanske multikunstnaren Toshiki Okada er eit brennheitt namn på den moderne fløya av europeisk teater. Han skriv og regisserer fabulerande, med ein eigenarta kontrastbruk av tekst i høve til rørsle.
I det første teaterprosjektet sitt i Noreg har han laga ein moderne variant av bibellegenda om Jonas i kvalfiskens buk: Fem menneske er på underleg vis hamna inni ein kval, og medan dei lurar på korleis dei skal kome ut att, fordriv dei tida med å utveksle historier og drodle om ulike exit-alternativ.
Det er ei teaterform som krev særeigen konsentrasjon, både frå dei som spelar og oss som skal sjå på. At det absurdistisk koreograferte kroppsspråket til skodespelarane tek så mykje merksemd at vi ikkje greier følgje med på kva dei seier, det kan vi ikkje laste skodespelarane for. Det kan vere vår eiga skuld. Vi skjønar sjølvsagt at dette er teater som kommenterer den usikre samtida vår, ei pandemi- og miljøskadd tid på nippet til ein ny verdskrig. Eller har vi ikkje skjøna rett? Det er vanskeleg å gje åtgaum til ei framsyning som kommuniserer så indirekte og kryptisk med publikum.
Det vi vert mest fascinerte av denne gongen, er faktisk den fargesterke og detaljrike scenografien, trass i at vi neppe hadde skjøna, om vi ikkje visste det på førehand, at dette skulle førestille innsida av ein kval. (Men for all del – no hard feelings! Med helsing KVAL-vik.)
Bent Kvalvik
Bent Kvalvik er filmarkivar og fast teatermeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Nationaltheatret (Kanonhallen):
Toshiki Okada:
Hvalen i rommet
Regi: Toshiki Okada
Scenografi og kostyme: Katrin Bombe
Komponist: Kazuhisa Uchihachi
Den japanske multikunstnaren Toshiki Okada er eit brennheitt namn på den moderne fløya av europeisk teater. Han skriv og regisserer fabulerande, med ein eigenarta kontrastbruk av tekst i høve til rørsle.
I det første teaterprosjektet sitt i Noreg har han laga ein moderne variant av bibellegenda om Jonas i kvalfiskens buk: Fem menneske er på underleg vis hamna inni ein kval, og medan dei lurar på korleis dei skal kome ut att, fordriv dei tida med å utveksle historier og drodle om ulike exit-alternativ.
Det er ei teaterform som krev særeigen konsentrasjon, både frå dei som spelar og oss som skal sjå på. At det absurdistisk koreograferte kroppsspråket til skodespelarane tek så mykje merksemd at vi ikkje greier følgje med på kva dei seier, det kan vi ikkje laste skodespelarane for. Det kan vere vår eiga skuld. Vi skjønar sjølvsagt at dette er teater som kommenterer den usikre samtida vår, ei pandemi- og miljøskadd tid på nippet til ein ny verdskrig. Eller har vi ikkje skjøna rett? Det er vanskeleg å gje åtgaum til ei framsyning som kommuniserer så indirekte og kryptisk med publikum.
Det vi vert mest fascinerte av denne gongen, er faktisk den fargesterke og detaljrike scenografien, trass i at vi neppe hadde skjøna, om vi ikkje visste det på førehand, at dette skulle førestille innsida av ein kval. (Men for all del – no hard feelings! Med helsing KVAL-vik.)
Bent Kvalvik
Bent Kvalvik er filmarkivar og fast teatermeldar i Dag og Tid.
Fleire artiklar
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.
Mannsutvalet saman med kultur- og likestillingsminister Lubna Jaffery under overrekkinga av rapporten.
Foto: Ole Berg-Rusten
Vil avlive likestillingsmytar
Forskar Mari Teigen ønskjer seg ein kjønnsdebatt bygd på kunnskap.
Den norske fiskeflåten er mangfaldig. Her er ringnotfartøy ved kai i Egersund våren 2017.
Foto: Per Anders Todal
Fiskar er fiskar verst
Striden om kvotemeldinga kan få Fiskarlaget til å rivne.