Musikk
Spanande tradisjonsrikdom
Trommeslagar Dag Magnus Narvesen står fram som interessant komponist og arrangør.
Dag Magnus Narvesen.
Foto: Christer Männikus
Det er heile ti år sidan debutplata til bandet Damana, Cornua Copiae, kom på portugisiske Clean Feed. Med base i Berlin har Dag Magnus Narvesen likevel vore ein sentral medlem i Stavangers store jazzband Kitchen Orchestra. I tillegg til dette engasjementet er diskografien hans i stor grad prega av mindre konstellasjonar. Her bør ein dra fram dei tre platene han har gjeve ut i samspel med pianisten Alexander von Schlippenbach.
Det er difor hyggeleg å høyra Narvesen som komponist, arrangør og trommeslagar i ein oktett. Dei åtte låtane hentar inspirasjon både frå klassiske storband («Ballad for the Forgiven» og «Stemma») og alternative større ensemble («In Memoriam I» og «Twenty Bars»).
Den stilistiske breidda passar bra til orkesteret. Her har Narvesen funne plass til musikarar med ganske ulikt utrykk og stilistisk utgangspunkt. Likevel er det ei samspelt eining Narvesen har til rådvelde, presis og stram når det er påkravd, og laus og rufsete når det høver.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
