Triomagi
Lovano, Crispell og Castaldi kommuniserer perfekt.
Jazz
Joe Lovano Trio Tapestry:
Our Daily Bread
Joe Lovano, tenorsaksofon, tárogató og gongar; Marilyn Crispell, piano; Carmen Castaldi, trommer, gongar og tempelbjøller.
ECM
Dette er den tredje utgjevinga til trioen. Debuten kom i januar 2019. Lovano overraska den gongen med eit uttrykk som var både ope og meditativt. Med Our Daily Bread veit ein kva ein får. Meir av det same kunne ein kanskje ha sagt, men det ville ikkje på noko vis ytt innspelinga rettferd. Det ettertenksame og ei veksling mellom det harmonisk opne og enkle pregar framleis det samla uttrykket.
Castaldi er framleis i all hovudsak fargeleggjaren, men det er ein konsentrasjon og intensitet i musiseringa som tydeleg fortel at desse tre har utvikla ei heilt spesiell evne til å kommunisera.
Nettopp denne kombinasjonen av å halda det nedpå, berre spela det naudsynte og utstråla fridom og full kontroll, gjer at ein som lyttar blir sogen inn i det musikalske universet til trioen. Også denne gongen har Lovano skrive all musikken, åtte låtar i alt.
Sjølv om grunnstemninga er gjennomgåande, er komposisjonane varierte i forma. Som tittelen «All Twelve» indikerer, byrjar plata harmonisk ope for så å gå over til «Grace Notes», der Crispell spelar eit ostinat i venstrehanda stykket igjennom. Tittelkuttet er ein melodiøs post-Coltrane-ballade, medan «One for Charlie» er eit vakkert, bluesinspirert og fabulerande stykke for solo tenorsaksofon. Ei flott hylling til den store vesle basshelten.
Our Daily Bread er bergtakande. Det lågmælte uttrykket held tak i deg til siste tone. Den beste Trio Tapestry-plata så langt.
Lars Mossefinn
Lars Mossefinn er frilans journalist og fast jazzmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
Joe Lovano Trio Tapestry:
Our Daily Bread
Joe Lovano, tenorsaksofon, tárogató og gongar; Marilyn Crispell, piano; Carmen Castaldi, trommer, gongar og tempelbjøller.
ECM
Dette er den tredje utgjevinga til trioen. Debuten kom i januar 2019. Lovano overraska den gongen med eit uttrykk som var både ope og meditativt. Med Our Daily Bread veit ein kva ein får. Meir av det same kunne ein kanskje ha sagt, men det ville ikkje på noko vis ytt innspelinga rettferd. Det ettertenksame og ei veksling mellom det harmonisk opne og enkle pregar framleis det samla uttrykket.
Castaldi er framleis i all hovudsak fargeleggjaren, men det er ein konsentrasjon og intensitet i musiseringa som tydeleg fortel at desse tre har utvikla ei heilt spesiell evne til å kommunisera.
Nettopp denne kombinasjonen av å halda det nedpå, berre spela det naudsynte og utstråla fridom og full kontroll, gjer at ein som lyttar blir sogen inn i det musikalske universet til trioen. Også denne gongen har Lovano skrive all musikken, åtte låtar i alt.
Sjølv om grunnstemninga er gjennomgåande, er komposisjonane varierte i forma. Som tittelen «All Twelve» indikerer, byrjar plata harmonisk ope for så å gå over til «Grace Notes», der Crispell spelar eit ostinat i venstrehanda stykket igjennom. Tittelkuttet er ein melodiøs post-Coltrane-ballade, medan «One for Charlie» er eit vakkert, bluesinspirert og fabulerande stykke for solo tenorsaksofon. Ei flott hylling til den store vesle basshelten.
Our Daily Bread er bergtakande. Det lågmælte uttrykket held tak i deg til siste tone. Den beste Trio Tapestry-plata så langt.
Lars Mossefinn
Lars Mossefinn er frilans journalist og fast jazzmeldar i Dag og Tid.
Fleire artiklar
Carl Reinecke (1824–1910) var Edvard Griegs lærar i Leipzig.
Nordisk tone
Carl Reineckes symfoni Håkon Jarl har kraftfull patos.
Skodespelar Svein Tindberg flettar saman eigne barndomserfaringar med 4000 år gamle forteljingar frå Bibelen.
Foto: Marcel Leliënhof
Høgaktuelle forteljingar frå Midtausten
Trur vi Bibelen er ei utdatert bok, tek vi feil. Svein Tindberg syner korleis gamle jødisk-kristne soger talar til vår eksistens no når bombene fell mellom folkeslag.
Foto: Dag Aanderaa
Pyntesjuke og luksuslov
Christian Kvart ville styre pynten, krydderet og konfekten.
Miridae, ei bladtege med oval form.
Foto: via Wikimedia Commons
Levande innsikt om døyande insekt
Ein optimistisk tone råder i ei tettpakka faktabok om dystre utsikter for insekta.
Moss–Horten-ferja er den mest trafikkerte i landet. Skjer det noko uføresett, som då dei tilsette blei tatt ut i LO-streik i fjor, veks køane på begge sider av fjorden.
Foto: Terje Bendiksby / AP / NTB
Pengegaloppen i ferjetoppen
Det står ei Norled-ferje her og ei Torghatten-ferje der – innstilte. Ferja, ein livsnerve for mange, er eigd av folk vi ikkje aner kven er, utanfor vår kontroll.
Papiravisa