Marknadsleikeplassen
Gamle Billie Eilish-innspelingar er det nye i Fortnite Festival Season 3.
Pop
Billie Eilish o.a.:
Fortnite Festival Season 3
Epic / Harmonix
Spelet Fortnite er populært. Under storhendinga «The Big Bang Event» i desember, var 11.616.374 spelarar logga inn samstundes for å sjå ei gigantisk, monstrøs utgåve av den rappkjefta rapparen Eminem markere overgangen til ein ny æra i dette digitale mikroverset.
Ei veke seinare mani-
festerte spelmodusen Fortnite Festival seg.
Det nærmar seg festivalsesong i røynda og Fortnite Festival er inne i sin tredje sesong. Som festivalar flest har Fortnite Festival headliner-artistar: Først ut var The Weeknd, deretter stod mangfaldige Lady Gaga på scenen i vekevis, og no er Billie Eilish hovudattraksjonen.
Eg såg for meg at «festivalen» skulle by på artige show med brask og bram à la Marshmellow-konserten i 2018, den nemnde Eminem-greia og black lives matter-paneldebattane i 2020, men det er her tale om eit rytmespel der ein trykkjer på knappar for å «spele» enkelte instrument i bandet, ikkje ulikt Guitar Hero og Rock Band. Nytteverdien av slikt er at det kan vere ei slags høyrelære for folk utan musikkbakgrunn.
Ingen av songane er spelte inn live: Dei er henta rett frå albuma til Eilish. Repertoaret består av spion-disco-rock-r&b-songane «Bad Guy»,«All the Good Girls Go to Hell» og «Therefore I Am», slow rock- og pop-punk-balladane «Happier Than Ever (Edit)» og «Oxytocin», komplett med valiumvokalen og den dramatiske basslinestilen som kjenneteiknar triphop frå tidleg 2000-tal.
Fortnite er finansiert av sponsing og mikrotransaksjonar. Sjølv om spelet er «Free-To-Play», er nye, gamle songar ikkje billige. Eilishs musikk framstår som harry for meg, men eg er ikkje immun mot reklame på leikeplassen og har blitt nyfiken på kva Billie Eilish har å diske opp med oppi ermet til den neste skiva si, som kjem ut på sjølvaste 17. mai.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Pop
Billie Eilish o.a.:
Fortnite Festival Season 3
Epic / Harmonix
Spelet Fortnite er populært. Under storhendinga «The Big Bang Event» i desember, var 11.616.374 spelarar logga inn samstundes for å sjå ei gigantisk, monstrøs utgåve av den rappkjefta rapparen Eminem markere overgangen til ein ny æra i dette digitale mikroverset.
Ei veke seinare mani-
festerte spelmodusen Fortnite Festival seg.
Det nærmar seg festivalsesong i røynda og Fortnite Festival er inne i sin tredje sesong. Som festivalar flest har Fortnite Festival headliner-artistar: Først ut var The Weeknd, deretter stod mangfaldige Lady Gaga på scenen i vekevis, og no er Billie Eilish hovudattraksjonen.
Eg såg for meg at «festivalen» skulle by på artige show med brask og bram à la Marshmellow-konserten i 2018, den nemnde Eminem-greia og black lives matter-paneldebattane i 2020, men det er her tale om eit rytmespel der ein trykkjer på knappar for å «spele» enkelte instrument i bandet, ikkje ulikt Guitar Hero og Rock Band. Nytteverdien av slikt er at det kan vere ei slags høyrelære for folk utan musikkbakgrunn.
Ingen av songane er spelte inn live: Dei er henta rett frå albuma til Eilish. Repertoaret består av spion-disco-rock-r&b-songane «Bad Guy»,«All the Good Girls Go to Hell» og «Therefore I Am», slow rock- og pop-punk-balladane «Happier Than Ever (Edit)» og «Oxytocin», komplett med valiumvokalen og den dramatiske basslinestilen som kjenneteiknar triphop frå tidleg 2000-tal.
Fortnite er finansiert av sponsing og mikrotransaksjonar. Sjølv om spelet er «Free-To-Play», er nye, gamle songar ikkje billige. Eilishs musikk framstår som harry for meg, men eg er ikkje immun mot reklame på leikeplassen og har blitt nyfiken på kva Billie Eilish har å diske opp med oppi ermet til den neste skiva si, som kjem ut på sjølvaste 17. mai.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Fleire artiklar
Laila Goody, Maria Ómarsdóttir Austgulen, Trond Espen Seim og John Emil Jørgenrud i nachspielet frå helvete som stykket til Edward Albee blir kalla.
Foto: Erika Hebbert
Sterkt om livsløgn og overleving
Gode skodespelarprestasjonar i intens kamp på liv og død.
Den nye statsministeren i Frankrike, Michel Barnier, blir klappa inn av den utgåande, Gabriel Attal, i ein seremoni på Hôtel Matignon i Paris 5. september.
Foto: Stephane De Sakutin / Reuters / NTB
Ny statsminister med gjeld, utan budsjett
No lyt alt skje raskt i fransk politikk for å avverje nye kriser.
Justis- og beredskapsminister Emilie Enger Mehl på veg til pressetreffet om motarbeiding av kriminalitet. Også statsminister Jonas Gahr Støre og finansminister Trygve Slagsvold Vedum deltok.
Foto: Thomas Fure / NTB
– No ser me effekten av færre politifolk
Det er mykje regjeringa kunne gjort som dei ikkje har gjort. Me er ikkje imponerte, seier Helge André Njåstad (FrP).
Den oppdaterte boka om rettens ironi er ei samling av tekstar frå Rune Slagstad gjennom førti år.
Foto: André Johansen / Pax Forlag
Jussen som styringsverktøy
Rettens ironi, no i fjerde og utvida utgåve, har for lengst blitt ein klassikar i norsk idé- og rettshistorie.
Finn Olstad har doktorgrad i historie og er tidlegare professor ved Seksjon for kultur og samfunn ved Noregs idrettshøgskule.
Foto: Edvard Thorup
Det nye klassesamfunnet
Finn Olstads nye bok er eit lettlese innspel til ei sårt tiltrengd innsikt i skilnaden mellom fakta og ideologi.
Papiravisa