Kreativt frå Portugal
Hugo Carvalhais lagar ein spesiell miks av elektronikk og akustiske instrument.
Jazz
Hugo Carvalhais:
Ascetica
Emilie Parisien, sopransaks; Ludas Mockunas, tenorsaks og klarinett; Fábio Almeida, altsaks og fløyte; Gabriel Pinto, piano, orgel og synth; Hugo Carvalhais, bass og elektronikk; Mário Costa, trommer.
Clean Feed
Den portugisiske bassisten, komponisten og orkesterleiaren Hugo Carvalhais har sidan 2010 gjeve ut fire plater på Clean Feed.
Alt med debuten Nebulosa vekte Carvalhais oppsikt, og i dag er han rekna som ein av dei mest markante på den portugisiske jazzscenen.Trommeslagaren Mário Costa og pianisten Gabriel Pinto har Carvalhais hatt eit triosamarbeid med i over ti år, og med den franske saksofonisten Emilie Parisien har han hatt ei mest like lang fartstid.
Logisk og levande
Musikken til Carvalhais hentar impulsar frå mange retningar innan den moderne jazzen. Han føyer saman element som i hendene på mindre samspelte musikarar ville blitt uorganiske fragment, men sekstetten gjer musikken både logisk og levande. Også Carvalhais har oppdaga moglegheitene som ligg i arsenalet av analoge tangentinstrument.
På opningssporet «Organum» er han tydeleg inspirert av tidleg Weather Report/ Miroslav Vitous, men også på fleire andre komposisjonar kombinerer han eit rastlaust komp med lyriske, lange linjer hjå blåsarane og ei diffus fargelegging frå Pintos side.
«Neural Flandres» og «Ora-
torium» er meir gjennomarbeidde komposisjonar, medan andre låtar er springbrett til lengre improvisatoriske sekvensar, og godt er det når ein har solistar som Parisien og Mockunas med på laget.
Kunstnarportrett
Ynskjer ein å bli kjend med det musikalske universet til Hugo Carvalhais, kan Ascetica vera ein fin stad å byrja. Så kan ein eventuelt arbeida seg bakover.
I sum teiknar dei fire platene på Clean Feed eit mangslunge kunstnarleg portrett av ein skapande og utøvande musikar som ein diverre høyrer for sjeldan på våre breiddegrader.
Lars Mossefinn
Lars Mossefinn er frilans journalist og fast jazzmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
Hugo Carvalhais:
Ascetica
Emilie Parisien, sopransaks; Ludas Mockunas, tenorsaks og klarinett; Fábio Almeida, altsaks og fløyte; Gabriel Pinto, piano, orgel og synth; Hugo Carvalhais, bass og elektronikk; Mário Costa, trommer.
Clean Feed
Den portugisiske bassisten, komponisten og orkesterleiaren Hugo Carvalhais har sidan 2010 gjeve ut fire plater på Clean Feed.
Alt med debuten Nebulosa vekte Carvalhais oppsikt, og i dag er han rekna som ein av dei mest markante på den portugisiske jazzscenen.Trommeslagaren Mário Costa og pianisten Gabriel Pinto har Carvalhais hatt eit triosamarbeid med i over ti år, og med den franske saksofonisten Emilie Parisien har han hatt ei mest like lang fartstid.
Logisk og levande
Musikken til Carvalhais hentar impulsar frå mange retningar innan den moderne jazzen. Han føyer saman element som i hendene på mindre samspelte musikarar ville blitt uorganiske fragment, men sekstetten gjer musikken både logisk og levande. Også Carvalhais har oppdaga moglegheitene som ligg i arsenalet av analoge tangentinstrument.
På opningssporet «Organum» er han tydeleg inspirert av tidleg Weather Report/ Miroslav Vitous, men også på fleire andre komposisjonar kombinerer han eit rastlaust komp med lyriske, lange linjer hjå blåsarane og ei diffus fargelegging frå Pintos side.
«Neural Flandres» og «Ora-
torium» er meir gjennomarbeidde komposisjonar, medan andre låtar er springbrett til lengre improvisatoriske sekvensar, og godt er det når ein har solistar som Parisien og Mockunas med på laget.
Kunstnarportrett
Ynskjer ein å bli kjend med det musikalske universet til Hugo Carvalhais, kan Ascetica vera ein fin stad å byrja. Så kan ein eventuelt arbeida seg bakover.
I sum teiknar dei fire platene på Clean Feed eit mangslunge kunstnarleg portrett av ein skapande og utøvande musikar som ein diverre høyrer for sjeldan på våre breiddegrader.
Lars Mossefinn
Lars Mossefinn er frilans journalist og fast jazzmeldar i Dag og Tid.
Fleire artiklar
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Utvalsleiar Line Eldring leverer NOU-rapporten om EØS-avtalen til utanriksminister Espen Barth Eide (Ap).
Foto: Terje Pedersen / NTB
Kva er alternativet til EØS-medlemskap?
Anna Kleiva er forfattar og omsetjar.
Foto: Privat
Anna Kleiva er ny diktskribent i Dag og Tid
«Eg ser fram til å arbeida meir med einskilde dikt frå ulike forfattarar.»
Foto: Hatem Khaled / NTB
Krasnik og eg
Dei som følger debatten, kan sjå to ulike haldningar til Israel og Palestina utfalde seg.