Detaljrikdom og teknisk overskot
Etter snart 60 år på scenen viser Sigmund Sæther at han framleis er i toppform.
Gamaldans
Sigmund’s Orkester:
Sigmunds spesial
Farmen Musikkopplevelser
For nokre veker sidan skreiv eg om den nye plata til Kongsberg trekkspillklubb. Denne gongen er det tale om ein annan og meir kompleks type gamaldans.
Trekkspelaren Sigmund Sæther frå Selbu i Trøndelag har sidan slutten av 60-talet leia fleire gamaldansgrupper, og han stod dei neste tiåra bak fleire populære kassettproduksjonar. På Sigmunds spesial har 73-åringen fått med seg dei noko yngre medspelarane Øyvind Farmen (trekkspel), Pål Steinar Flakne (bass) og Kaj R. Endresen (trommer).
Stilistisk er dette ein type gamaldans der velkjende danseformer som vals, reinlendar og masurka er utgangspunktet. Ofte er slik musikk effektivt, men enkelt utført, med stødig rytme og ukomplisert harmonikk.
Men her er det annleis: Både rytmisk og harmonisk er musikken mange stader tydeleg påverka av swingjazz. Og samstundes som dette er funksjonell dansemusikk, er musikken svært mangfaldig. Dei to trekkspelarane, som begge trakterer knappespel, er begge svært virtuose, og arrangementa er tette og svært detaljerte. Det er nesten noko akrobataktig over desse imponerande prestasjonane. Men det tippar likevel ikkje over: Det er heile tida ein god balanse mellom det funksjonelle og det poserande.
På nokre av spora er kvartetten utvida med gjestene Sturla Eide (fele), John Oddstein Aune (gitar) og Bjørn Tomren (jodling), og dessutan syng trommelagar Endresen på eit spor. I det heile er det svært mykje musikalsk informasjon på denne produksjonen, og keisamt er det aldri.
Sigbjørn Apeland
Sigbjørn Apeland er musikar, musikkvitar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Gamaldans
Sigmund’s Orkester:
Sigmunds spesial
Farmen Musikkopplevelser
For nokre veker sidan skreiv eg om den nye plata til Kongsberg trekkspillklubb. Denne gongen er det tale om ein annan og meir kompleks type gamaldans.
Trekkspelaren Sigmund Sæther frå Selbu i Trøndelag har sidan slutten av 60-talet leia fleire gamaldansgrupper, og han stod dei neste tiåra bak fleire populære kassettproduksjonar. På Sigmunds spesial har 73-åringen fått med seg dei noko yngre medspelarane Øyvind Farmen (trekkspel), Pål Steinar Flakne (bass) og Kaj R. Endresen (trommer).
Stilistisk er dette ein type gamaldans der velkjende danseformer som vals, reinlendar og masurka er utgangspunktet. Ofte er slik musikk effektivt, men enkelt utført, med stødig rytme og ukomplisert harmonikk.
Men her er det annleis: Både rytmisk og harmonisk er musikken mange stader tydeleg påverka av swingjazz. Og samstundes som dette er funksjonell dansemusikk, er musikken svært mangfaldig. Dei to trekkspelarane, som begge trakterer knappespel, er begge svært virtuose, og arrangementa er tette og svært detaljerte. Det er nesten noko akrobataktig over desse imponerande prestasjonane. Men det tippar likevel ikkje over: Det er heile tida ein god balanse mellom det funksjonelle og det poserande.
På nokre av spora er kvartetten utvida med gjestene Sturla Eide (fele), John Oddstein Aune (gitar) og Bjørn Tomren (jodling), og dessutan syng trommelagar Endresen på eit spor. I det heile er det svært mykje musikalsk informasjon på denne produksjonen, og keisamt er det aldri.
Sigbjørn Apeland
Sigbjørn Apeland er musikar, musikkvitar og fast musikkmeldar i Dag og Tid.
Fleire artiklar
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Mannsutvalet saman med kultur- og likestillingsminister Lubna Jaffery under overrekkinga av rapporten.
Foto: Ole Berg-Rusten
Vil avlive likestillingsmytar
Forskar Mari Teigen ønskjer seg ein kjønnsdebatt bygd på kunnskap.