Kvinner over randa

Det er ein gloheit sommar i Marseilles, med over førti gradar. Sambuarane Ruby (Yacoub), Elise (Merlant) og Nicole (Codreanu) er kvinnene på balkongen. Nicole glanar på naboen (Bravo) vis-à-vis. Ho skriv bok og vil flette inn attråa si, men insisterer på at det er intellektuelt, då venninna kallar det ei erotisk novelle.

Elise ryggar den knallraude bilen sin inn i ein annan på veg heim frå prøvespel som Marilyn Monroe. Ruby jobbar som «webcam-jente» og er kroppsglad så det held. Når dei kjem i kontakt med mannen på hi sida, eskalerer alt fort.

Mykje

Multitalentet Noémi Merlant har skrive denne andre spelefilmen sin saman med Céline Sciamma, regissøren av Portrett av en kvinne i flammer (2019), filmen der Merlant for alvor slo gjennom som skodespelar. Regidebuten til Merlant var det nyanserte romantiske dramaet Mi iubita, mon amour (2021). Dette er noko heilt anna. Merlant spelar igjen ei sentral rolle sjølv, men faktene er heilt annleis, og mykje større. Skrekk-komedien Balconettes er meir rasande enn festleg. Stemninga er hysterisk. Det er mykje skriking.

Klisjeane florerer. Fargane ropar film frå Middelhavet med sterke kjensler. Den skrivande figuren er standard i mykje fransk film. Alle mannlege figurar er karikerte, men det er jo meininga. Den insisterande fridomen og samhaldet mellom kvinnene er på sin plass i ein pamflett mot patriarkatet. Filmen slektar på tradisjonen med sjangerfilmar med merkelappen «rape-revenge».

Meir

Er du abonnent? Logg på for å lese vidare

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.

E-postadressa di

Eg godtek vilkåra

Eller kjøp eit anna abonnement

Er du abonnent? Logg på for å lese vidare