Ho sprang for livet

Då Samia Yusuf Omar (Osman) stod på startstreken til 200 meter i dei olympiske leikane i Beijing i 2008, var det stort. Filmen om livet hennar hoppar mellom fire ulike epokar.

Vi får møte den energiske vetle jenta som berre vil springe, og tenåringen som har ein draum om å delta i OL for Somalia medan dei væpna islamistane frå al-Shabaab truar tryggleiken til ho og familien hennar. Elles møter vi Samia på veg til OL, og seinare på flukt.

Biografien

Regissørane Yasemin Samdereli og Deka Mohamed baserer seg på romanen Ikke si at du er redd av italienaren Giuseppe Catozzella, som hadde stor suksess. Dei følgjer ei kjend oppskrift som høver for å nå breitt ut med den utrulege og skakande historia om Samia.

Det skortar ikkje på dramatiske element. Livet i Mogadishu under krigen frå 2006 til 2009, då etiopiske okkupasjonsstyrkar slost mot ulike islamistgrupper, var alt anna enn trygt. Al-Shabaab vil ikkje at kvinner skulle korkje syngje eller springe. Libya var ikkje bra for folk på flukt før den norske bombinga i 2011 heller.

Filmskaparane kunne gått for ein meir melodramatisk tone enn dei heldigvis har gjort. Musikk og skodespel er tydeleg, men ikkje overdrive. Ilham Mohamed Osman har energien som trengst for å bere hovudrolla godt.

Er du abonnent? Logg på for å lese vidare

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.

E-postadressa di

Eg godtek vilkåra

Eller kjøp eit anna abonnement

Er du abonnent? Logg på for å lese vidare